گنگارام ہسپتال میں شعبہ امراض دل کو اپ گریڈ کر دیا گیا

لاہور(پ ر)سر گنگا رام ہسپتال کے شعبہ امراض قلب میں مریضوں کو علاج معالجہ کی بہترین سہولیات فراہم کرنے کے لئے کارڈیک ڈیپارٹمنٹ کی اپ گریڈیشن کر دی گئی ہے اور جدید تشخیصی آلات اور مشینری سے لیس کیا جا رہا ہے ۔یہ بات سر گنگا رام ہسپتال کے میڈیکل سپرنٹنڈنٹ ڈاکٹر نعمان مطلوب مشہدی نے نئے طبی آلات کا افتتاح کرتے ہوئے کہی ۔انہوں نے بتایا کہ ہسپتال کے شعبہ امراض قلب میں نئی ایکوکارڈیوگرافی ،ای ٹی ٹی اور ہولٹر میشنیں فراہم کر دی گئیں۔ڈاکٹر نعمان مطلوب نے کہا کہ نئی مشینوں کی تنصب سے ہسپتال آنے والے مریضوں کے لئے امراض قلب کی جدید تشخیصی سہولیات میسرآ گئیں ہیں۔