تمام خبریں بے بنیاد ،عوامی مرکز اسلام آباد میں لگنے والی آگ سے سی پیک کا کوئی ریکارڈ نہیں جلا: ترجمان دفتر خارجہ

تمام خبریں بے بنیاد ،عوامی مرکز اسلام آباد میں لگنے والی آگ سے سی پیک کا ...
تمام خبریں بے بنیاد ،عوامی مرکز اسلام آباد میں لگنے والی آگ سے سی پیک کا کوئی ریکارڈ نہیں جلا: ترجمان دفتر خارجہ

  

اسلام آباد(ڈیلی پاکستان آن لائن) ترجمان دفتر خارجہ نفیس زکریا نے کہا ہے کہ پلاننگ ، ڈویلپمنٹ اور ریفارمر ڈویژن کے مطابق اسلام آباد کے عوامی مرکز میں لگنے والی آگ کے نتیجے میں سی پیک کا کسی بھی قسم کا کوئی بھی ریکارڈ نہیں جلا اور اس کے حوالے سے چلنے والی تمام خبریں بالکل بے بنیاد ہیں۔

اسلام آباد ،عوامی مرکز میں پھر آگ بھڑک اٹھی، وفاقی محتسب اور سی پیک ایکسی لینس سینٹر مکمل جل گیا، 2 افراد جاں بحق

سماجی رابطوں کی ویب سائٹ ٹوئٹر پر ٹوئٹ کرتے ہوئے ترجمان دفتر خارجہ نفیس زکریا نے اسلام آباد کے عوامی مرکز میں ہونے والی آتشزدگی کے دوران سی پیک کے ریکارڈ جلنے کی خبروں کی سختی سے تردید کی ہے۔

ان کا کہنا تھا کہ پلاننگ ، ڈویلپمنٹ اور ریفارمز ڈویژن کے مطابق عوامی مرکز کی آتشزدگی میں سی پیک کا کوئی بھی ریکارڈ نہیں جلا، آتشزدگی میں ایک چھوٹے ریسرچ یونٹ کو نقصان پہنچا ہے جس کا تمام ریکارڈ ڈیجیٹل اور سوفٹ ویئر میں تھا اور وہ مکمل طور پر محفوظ ہے۔

مزید : قومی /اہم خبریں