طالبہ کو اغوا کے بعد زیادتی اور تشدد کا نشانہ بنا دیا گیا

طالبہ کو اغوا کے بعد زیادتی اور تشدد کا نشانہ بنا دیا گیا
طالبہ کو اغوا کے بعد زیادتی اور تشدد کا نشانہ بنا دیا گیا

روزنامہ پاکستان کی اینڈرائیڈ موبائل ایپ ڈاؤن لوڈ کرنے کے لیے یہاں کلک کریں۔

فیصل آباد(ویب ڈیسک) صوبہ پنجاب کے شہر فیصل آباد میں ساتویں جماعت کی طالبہ کو اسکول کے راستے سے اغوا کرکے زیادتی کا نشانہ بنا دیا گیا۔ 2 روز بعد ملزم نے دوبارہ طالبہ کو اغوا کرکے زیادتی کی کوشش کی اور مزاحمت پر اسے زخمی کر دیا۔

تھانہ ٹھیکری والا میں درج کی گئی ایف آئی آر کے مطابق سہیل نامی ملزم نے 7 ستمبر کو ساتویں جماعت کی طالبہ عاصمہ کو اسکول کے راستے سے اغوا کیا اور اپنے گھر لے جا کر زبردستی زیادتی کا نشانہ بنایا اور طالبہ کو کسی کو بتانے پر جان سے مارنے کی دھکمی دے کر چھوڑ دیا۔

ایف آئی آر کے مطابق گزشتہ روز ملزم نے دوبارہ طالبہ کو اغوا کر کے زیادتی کا نشانہ بنانے کی کوشش تو طالبہ نے مزاحمت کی جس پر ملزم نے اسے تشدد کا نشانہ بنایا۔طالبہ نے دوسری بار واقعہ پیش آنے پر والدین کو آگاہ کر دیا۔

بعدازاں متاثرہ طالبہ کے ورثاء کی درخواست پر ملزم کے خلاف مقدمہ درج کر کے گرفتاری کے لیے تلاش شروع کر دی گئی ۔دوسری جانب طالبہ کی والدہ نے اعلیٰ حکام سے ملزم کو جلد از جلد گرفتار کرکے انصاف دلوانے کی اپیل کی ہے۔

مزید : جرم و انصاف /علاقائی /پنجاب /فیصل آباد