چین کے صدر 2روز ہ دورے پر 20 اپریل کو پاکستان پہنچیں گے
اسلام آباد(اے این این ) چین کے صدر ژی جن پنگ دوروزہ دورے پر20 اپریل کو پاکستان پہنچیں گے۔ میڈیارپورٹ کے مطابق چین کے صدرکے دورہ پاکستان کی تاریخیں طے پاگئی ہیں وہ 20اپریل اسلام آباد پہنچیں گے ۔صدر ممنون حسین اور وزیر اعظم نواز شریف چین کے صدر کا پاکستان پہنچنے پر ریڈ کارپٹ استقبال کریگے جبکہ ایوان صدر اور وزیر اعظم ہاؤس میں مہمان صدر کو گارڈ آف آنر پیش کیا جائے گا۔چین کے صدر اسلام آباد کے سرینا ہوٹل میں قیام کریں گے جبکہ اس دوران وہ اعلیٰ سیاسی اور عسکری قیادت کے علاوہ کاروباری وفد سے بھی ملاقات کریں گے جن میں دونوں ممالک کے درمیان کئی معاہدوں پر دستخط ہوں گے۔ ان کے دورے کے دوران ثقافتی شو کا بھی اہتمام کیا جائے گا۔
