گوارا موسم خریف کی اہم پھلی دار فصل ہے، ما ہرین
سلانوالی(اے پی پی )زرعی ماہرین نے بتایا ہے کہ گوارا موسم خریف کی اہم پھلی دار فصل ہے یہ فصل پھلی دار خاندان سے تعلق رکھنے کی وجہ سے نائٹروجن کھاد کی ضرورت نہ صرف خود پوراکرنے کی صلاحیت رکھتی ہے بلکہ زمین کی زرخیزی میں اضافہ کرنے میں بھی اہم کرداراداکرتی ہے۔ ا س کو اگر ہل چلاکر زمین میں دبادیاجائے تو یہ زمین کی زرخیزی میں اضافہ کرتا ہے ۔
اس کی کا شت عام طورپر ریتلے اورکم با رش والے علاقوں میں کی جاتی ہے اس کی کا شت کیلئے گرم آب و ہوا درکا رہوتی ہے ۔گوارا کی فصل پانی کی کمی کو کافی دیر تک بر داشت کرنے کی صلاحیت رکھتی ہے گوار ا کی منظور شدہ اقسا م بی آ ر 90اوربی آر 99کا شت کریں، چا رے کیلئے 20تا 25کلوگرا م اوربیج والی فصل کیلئے 12تا 15کلوگرام فی ایکڑ بیج استعمال کریں۔ گوراے کی فصل چار ے کیلئے اپریل سے جولائی تک کسی بھی وقت کا شت کی جاسکتی ہے البتہ بیج والی فصل کا موزوں وقت کا شت جولائی کا مہینہ ہے۔ ا س کو سبز کھاد کے طور پر استعمال کرنے کیلئے فصل کی کا شت مئی کے مہینہ میں کرنی چاہیے ۔اس فصل کو زیادہ کھا د کی ضر ورت نہیں البتہ اگر بوقت کا شت ایک بور ی ڈی ا ے پی اور پھول بنتے وقت آدھی بوری یوریا فی ایکڑ ڈا ل لی جا ئے تو اچھی پیداوار حاصل ہوتی ہے ۔