گجر پورہ میں 4موٹر سائیکل سوار گن پوائنٹ پر فیملی سے 3لاکھ نقد ی لوڑ کر فرار، لاکھوں کی ڈکیتیاں
لاہور(کر ائم رپورٹر )لاہور شہر میں ڈاکووں اور چوروں کے نشانے پرشہری دن دیہاڑے لٹنے لگے ،ذرائع کے مطابق ڈیفنس بی کے علاقے میں ڈاکو گھر میں گھس کر ناظم حسین اور اہلخانہ کو گن پوائنٹ پر یرغمال بنا کر 5لاکھ70 ہزار مالیت کی نقدی طلائی زیورات لوٹ کر فرار ہو گئے، ستوکتلہ میں ڈاکو گھر میں گھس کر عبدالمنان اور اس کی فیملی سے اسلحہ کے زور پر5لاکھ روپے لوٹ کر فرار ، گجر پورہ میں 4موٹرسائیکل سوار ڈاکو شاہد اور اس کی فیملی سے گن پوائنٹ پر3لاکھ روپے 10 ہزار روپے نقدی و زیورات، اچھرہ کے علاقے میں مسلح ڈاکو زمان اور فیملی سے گن پوائنٹ پر2 لاکھ20 ہزار روپے نقدی و طلائی زیورات، ہڈیارہ میں ڈاکو وقار اور فیملی سے1لاکھ 50ہزارروپے نقدی و طلائی زیورات ،شادباغ میں مسلح ڈاکو یاسین اور فیملی سے 1 لاکھ 15 ہزار روپے نقدی و طلائی زیورات لوٹ کر فرار ہو گئے ، گلشن راوی میں ڈاکو گن پوائنٹ پر علی احمد سے 55ہزار اور موبائل فون،گڑھی شاہو میں ڈاکو اسد رضا سے80ہزار نقدی اور موبائل فون، چوہنگ میں آصف سے ڈاکو گن پوائنٹ پر 54ہزار نقدی اور موبائل فون،اسلام پورہ سے ڈاکو گن پوائنٹ پر شجاعت سے 30ہزار نقدی اور موبائل فون لوٹ کر فرار ہو گئے جبکہ مانگامنڈی اور پرانی انارکلی سے گاڑیاں اور ہنجروال، ساندہ ،فیصل ٹاؤن ،لبر ٹی ،گلبر گ ،گلشن راوی ،شیر ا کوٹ ،نواں کوٹ اور رنگ محل کے علاقے سے موٹر سائیکلیں چوری کر لی گئیں۔
