وزیرخارجہ بنائے جانے کی تصدیق سے انکار، پاکستان کے تمام مسائل کا حل جمہوریت ہے: بلاول

  وزیرخارجہ بنائے جانے کی تصدیق سے انکار، پاکستان کے تمام مسائل کا حل ...

  

          اسلام آباد (این این آئی) پاکستان پیپلز پارٹی کے چیئر مین بلاول بھٹو زرداری نے اپنے وزیر خارجہ بنائے جانے کی تصدیق کرنے سے انکار کردیا ہے۔برطانوی نشریاتی ادارے سے گفتگو میں بلاول بھٹو زرداری نے کہا کہ ہماری جماعت کی حالیہ جدوجہد کے مقاصد میں عدم اعتماد کو کامیاب بنانا تھا۔انہوں نے کہا کہ ہمارے مقاصد میں انتخابی اصلاحات، پاکستان میں مستحکم جمہوریت کا قیام بھی شامل ہے۔برطانوی صحافی نے بلاول بھٹو سے استفسار کیا کہ کیا آپ پاکستان کے اگلے وزیر خارجہ بننے کی تصدیق کریں گے؟اس پر جواب دیتے ہوئے پی پی چیئرمین نے کہا کہ میں پاکستان کے اگلے وزیر خارجہ بننے کی تصدیق نہیں کرسکتا۔انہوں نے کہاکہ میری جدوجہد کا مقصد پاکستان میں جمہوری نظام کو مضبوط بنانا ہے، پچھلے 3 سالوں میں آئین، جمہوری نظام، انسانی حقوق، میڈیا کی آزادی کو نقصان پہنچایا گیا۔بلاول بھٹو زرداری نے کہا کہ پاکستان کے تمام مسائل کا حل جمہوریت، جمہوریت اور مزید جمہوریت ہے، جب تک سیاسی اور جمہوری آزادی حاصل نہ ہو معاشی ترقی کیاہداف حاصل نہیں ہوسکتے۔انہوں نے کہا کہ ہمارا پہلا اقدام ماضی میں کیے گئے غلط کو صحیح کرنا ہے، جس کے لیے طویل راستہ طے کرنا ہے۔

بلاول بھٹو

مزید :

صفحہ اول -