بیرونی مداخلت سے آنے والی کسی حکومت کو قبول نہیں کریں گے ، حماد اظہر
اسلام آباد(ڈیلی پاکستان آن لائن ) پاکستان تحریک انصاف کے رہنما حماد اظہر نے کہا کہ رات عوام نے اپنا فیصلہ سنا دیا ، بیرونی مداخلت سے جو بھی حکومت آئے گی اسے قبول نہیں کریں گے ۔
نجی ٹی وی" دنیا نیوز "کے مطابق حماد اظہر نے کہا کہ کل رات عوام نے ایک تاریخ رقم کی ، یہ صرف ایک ٹریلر تھا ، ہم عدم اعتماد پر ووٹنگ کے وقت بھاگے نہیں بلکہ پارلیمنٹ کے فیصلے کو قبول کیا ، علی محمد خان نے اپنا نقطہ نظر دلیری کے ساتھ پیش کیا ۔
رہنما تحریک انصاف نے مزید کہا کہ دنیا میں جہاں جہاں رجیم بدلی گئی وہ چند دنوں میں ناکام ہوئی ہے ۔
