ہم آج غلام اسمبلی سے آزاد ہو گئے ہیں ،فواد چودھری
اسلام آباد(ڈیلی پاکستان آن لائن )پاکستان تحریک انصاف کے رہنما فواد چودھری کا کہنا ہے کہ آج ہم نے اپنے حلف سے وفا نبھائی ہے ،ہم نے پاکستان کی سالمیت کی حفاظت کا حلف لیا تھا , آج ہم غلام اسمبلی سے آزاد ہو گئے ہیں ۔
سابق وزیر اطلاعات کا کہنا تھا کہ یہ لڑائی جو پی ٹی آئی لڑ رہی ہے, پاکستان کی آزادی کی لڑائی ہے اور یہ آزادی چھین کر لیں گے ،ہم یہ آزادی پاکستان کی عوام کیلئے انشااللہ ان طاقتوں کے منہ سے چھین کر لیں گے۔ پاکستان کے عوا م کچھ بھی برداشت کر سکتے ہیں ،عوام یہ نہیں برداشت کر سکتے کہ ہماری آزادی کے اوپر کوئی حرف آئے کوئی غیر ملکی طاقت ہماری آزادی پر آکر اپنا اثرو رسوخ استعمال کرے ۔
ان کا کہناتھاکہ نامزد وزیر اعظم پر آج عدالت میں مقدمہ لگا ہواہے اور مقدمہ یہ ہے کہ وہ 16بلین روپے پاکستان سے لوٹ کر باہر لے گئے۔ اس شخص کو واشنگٹن سے پاکستان کا وزیر اعظم نامزد کیا گیا ہے ۔