عمران خان سے اظہار یکجہتی کیلئے کارکنان سڑکوں پر لیکن اس دوران گلوکارہ عینی خالد نے کیا دیکھا؟ سب کچھ بتا دیا
لاہور (ویب ڈیسک) پاکستان کی پاپ گلوکارہ عینی خالد بھی ان فنکاروں میں سے ہیں جو عمران خان کی کال پر سڑکوں پر احتجاج کے لیے نکلیں، عینی خالد نے اپنی ٹوئٹ کے ذریعے لاہور میں ہونے والے احتجاجی مظاہرے کا احوال بتاتے ہوئے لکھا کہ آج کے جلسے میں، میں نے عام افراد کو لوگوں میں جوس کی بوتلیں اور پانی تقسیم کرتے دیکھا۔
گلوکارہ نے کہا کہ اس جلسے میں اجنبی افراد خواتین کے گرد دائرہ بناکر ان کی حفاظت کررہے تھے جب کہ کچھ مرد حضرات بچوں کے ہمراہ خواتین کے گرد ہاتھوں کی چین بنائے کھڑے تھے۔عینی خالد نے کہا کہ یہ منظر دل موہ لینے والا تھا، یہ ہے عمران خان کا پاکستان۔
Today at the jalsa I saw random ppl distributing water/cold juices to ppl. Women were protected by random strangers who formed circles around them. Men were making chains with their arms to help women with kids. It was heartwarming. This is Imran Khan's Pakistan. #LibertyChowk
— Annie Khalid (@annie_khalid) April 10, 2022
واضح رہے کہ گزشتہ روز لاہور سمیت پنجاب کے مختلف شہروں میں پی ٹی آئی کارکنان نے مظاہرے کیے اور ریلیاں نکالیں، لاہور میں لبرٹی چوک پر پی ٹی آئی کے کارکنوں کی بڑی تعداد نے عمران خان سے یکجہتی کا اظہار کیا، کراچی کے مختلف علاقوں میں بھی احتجاجی مظاہرے کیے گئے جہاں پی ٹی آئی کارکنوں اور حامیوں کی بڑی تعداد موجود ہے۔
اس کے علاوہ اسلام آباد کے ایف نائن پارک میں بھی پی ٹی آئی کے کارکنوں نے مظاہرہ کیا جب کہ راولپنڈی میں لیاقت باغ پر مظاہرین موجود رہے۔دوسری جانب پشاور میں بھی پی ٹی آئی کے کارکنوں اور حامیوں نے ریلیاں نکالیں۔
