پاکستان اور سری لنکا کے درمیان دوسرا ٹیسٹ 14 اگست کو شروع ہوگا
کولمبو ( نیٹ نیوز) پاکستان اور سری لنکا کی کرکٹ ٹیموں کے درمیان دو ٹیسٹ میچز پر مشتمل سیریز کا دوسرا ٹیسٹ میچ 14 اگست سے شروع ہوگا ۔ پاکستانی وقت کے مطابق یہ میچ صبح 9بج کر 30منٹ پر شروع ہوگا جبکہ مقامی وقت کے مطابق یہ میچ صبح 10 بجے شروع ہوگا ۔ اس میچ میں قومی ٹیم کی قیادت مصباح الحق کریں گے جبکہ سری لنکن کرکٹ ٹیم کی قیادت اینگلو میتھوز کریں گے ۔
دوسرے ٹیسٹ میچ کی میزبانی کولمبو کو سونپی گئی ہے ۔ دو ٹیسٹ میچز پر مشتمل سیریز مکمل ہونے کے بعد پاکستانی کرکٹ ٹیم ایک روزہ سیریز کی تیاری کے لئے ایک پریکٹس بھی کھیلے گی۔
