کیڈل ایوانس نے ٹور آف یوٹاہ سائیکل ریس کا چھٹا مرحلہ جیت لیا
یوٹاہ ( نیٹ نیوز) آسٹریلیا کے کیڈل ایوانس نے ٹور آف یوٹاہ سائیکل ریس کا چھٹا مرحلہ جیت لیا ۔ امریکی رائیڈر تھومس ڈینیل سن کو ییلو جرسی کے ساتھ نمایاں برتری حاصل ہے ۔ امریکی ریاست یوٹاہ میں جاری سائیکل ریس اپنے اختتام کی طرف رواں دواں ہے ۔ ریس کا چھٹا مرحلہ سالٹ لیک سٹی سے سنو برڈ تک ایک سو بہتر اعشاریہ پانچ کلومیٹر پر مشتمل تھا ۔ خوبصورت وادیوں سے گزرتے ہوئے سائیکل ٹریک پر رائیڈر کی کارکردگی بھی عمدہ رہی ۔ آسٹریلیا کے کیڈل ایوانس شاندار سائیکلنگ کے ساتھ پہلی پوزیشن پر رہے ۔ انہوں نے مقررہ فاصلہ چار گھنٹے چونتیس منٹ اور اکتیس سیکنڈز میں مکمل کیا ۔ تین سیکنڈز کے فرق سے جارجیا کے جوزف روس کوپف کی دوسری اور آسٹریا کے ریکارڈو کی تیسری پوزیشن رہی ۔ امریکی رائیڈر تھومس ڈینیل سن کا ییلو جرسی پر قبضہ تاحال برقرار ہے ۔ ریس کا ساتواں اور آخری مرحلہ 125 کلومیٹر کے فاصلے پر مشتمل ہو گا ۔