حیدرآبادکی پساکھی ڈیپ فیلڈ میں تیل و گیس کے نئے ذخائر دریافت

حیدرآبادکی پساکھی ڈیپ فیلڈ میں تیل و گیس کے نئے ذخائر دریافت

حیدرآباد(آن لائن)آئل اینڈ گیس ڈیویلپمنٹ کمپنی(اوجی ڈی سی ) نے صوبہ سندھ میں حیدرآبادکی پساکھی ڈیپ فیلڈ میں تیل و گیس کے نئے ذخائر دریافت کرلیے ہیں۔آئل اینڈ گیس ڈیولپمنٹ کمپنی کے مطابق کمپنی نے پاساکھی ڈیپ فیلڈ کے کنوئیں نمبر 4 سے نئے ذخائر دریافت کئے ہیں۔ اعلامیے کے مطابق ابتدائی طور پر اس کنویں سے 1کروڑ 41لاکھ مکعب فٹ گیس اور 125بیرل یومیہ تیل نکالا جاسکے گا۔ اس طرح کی دریافتوں سے ملک میں توانائی بحران کے خاتمے میں مد مل سکتی ہے۔ صوبہ سندھ میں حالیہ چند برسوں کے دوران گیس کے کئی نئے ذخائر دریافت ہوئے ہیں اور پاکستان کی ک±ل گیس پیدا وار میں سندھ کا 70فیصد حصہ ہے۔

مزید : کامرس