گجرانوالہ، سیاسی مخالفین کی فائرنگ سے کونسلر جاں بحق، 7افراد زخمی
گجرانوالہ (مانیٹرنگ ڈیسک )گجرانوالہ میں سیاسی مخالفین نے فائرنگ کرکے کھیالی کے جنرل کونسلر افضل مہر کو قتل کردیا۔ایس پی سٹی بہرام خان کے مطابق علاقہ کھیالی کے جنرل کونسلر افضل مہرو پر ان کے گھر کے باہر فائرنگ کی گئی۔فائرنگ سے افضل مہرو جاں بحق اور سات افراد زخمی ہوئے جبکہ ملزمان فرار ہوگئے۔ زخمیوں کو ڈی ایچ کیوہسپتال منتقل کر دیا گیا ہے۔ایس پی سٹی کا کہنا ہے دونوں سیاسی گروپوں میں الیکشن کے دنوں میں بھی جھگڑا ہوا تھا۔فائرنگ کے الزام میں تین افراد کو گرفتار کرلیا گیا ہے اور مزید ملزمان کی گرفتاری کیلئے چھاپے مارے جارہے ہیں۔ایس پی سٹی کا مزید کہنا تھا جائے وقوعہ سے شواہد حاصل کرلیے گئے ہیں۔
گجرانوالہ فائرنگ