انٹرڈویژنل جشن آزادی کراٹے چمپئن شپ 12 اگست کو کھیلی جائیگی

انٹرڈویژنل جشن آزادی کراٹے چمپئن شپ 12 اگست کو کھیلی جائیگی

کراچی (این این آئی)سندھ کراٹے ایسوسی ایشن کے زیراہتمام انٹرڈویژنل جشن آزادی کراٹے چمپئن شپ 12 اگست کو کھیلی جائیگی۔ سندھ کراٹے ایسوسی ایشن کے جنرل سیکرٹری عبدالحمید نے بتایا کہ چمپئن شپ کی تیاریاں زور و شور پر ہیں ٗ چمپئن شپ میں 6 ڈویژن کی ٹیمیں حصہ لیں گی جن میں کراچی ، حیدرآباد، میرپورخاص، سکھر، لاڑکانہ اور بے نظیرآباد شامل ہیں۔ چمپئن شپ میں مردوں کے پانچ جبکہ خواتین کی چار کیٹگریز کے مقابلے منعقد ہونگے، مردوں کے ایونٹس میں 40 کلو گرام، 45کلو گرام،50کلو گرام،55 کلو گرام اورپلس 55کلو گرام شامل ہیں جبکہ خواتین کے 35کلو گرام،40کلو گرام،45 کلو گرام اور پلس 45 کلو گرام ویٹ کیٹگریز کے مقابلے رکھے گئے ہیں۔

انہوں نے کہا کہ چمپئن شپ کے اختتام پر کامیابی حاصل کرنے والے کھلاڑیوں میں انعامات تقسیم کئے جائیں گے۔

مزید : کھیل اور کھلاڑی