بیٹے کے دوست میرے کام سے متعلق تذبذب کا شکار ہیں، ملائیکہ اروڑا

ممبئی (ویب ڈیسک) بالی ووڈ اداکارہ ملائیکہ اروڑا نے کہا ہے کہ میرے بیٹے ارہان کے دوست میرے کام سے متعلق تذبذب کا شکار ہیں۔

روزنامہ" جنگ "کے مطابق حالیہ انٹرویو میں ملائیکہ اروڑا نے بتایا کہ ارہان نے ایک دن مجھ سے پوچھا کہ ’میرے دوست تذبذب کا شکار ہیں، آپ کام کیا کرتی ہیں؟‘

انکا کہنا تھا کہ بیٹے نے مجھ سے کہا ’آپ زندگی گزارنے کےلیے ایک کام نہیں کرتی ہیں بلکہ آپ فیشن شوز میں حصہ لیتی ہیں، ریئلٹی شوز کرتی ہیں اور فلموں میں آئٹم سونگ بھی کرتی ہیں۔ یہی وجہ ہے میرے اکثر دوست آپ کے حقیقی پیشے سے متعلق ایک طرح کی الجھن کا شکار ہیں۔‘

اداکارہ نے بتایا کہ اس پر میں کہتی ہوں کہ ’میں وہ ہی کرتی ہوں، جس کی مجھے ضرورت ہے، جو مجھے اچھا لگتا ہے۔‘

ملائیکہ اروڑا نے بالی ووڈ فلموں کےلیے کئی مشہور آئٹم سونگ جیسے ’چھیاں چھیاں‘، ’منی بدنام ہوئی‘، ’انارکلی ڈسکو چلی‘ شامل ہیں۔ وہ اس کے ساتھ فیشن شو اور کئی ریئلٹی شوز کی جج رہ چکی ہیں۔

واضح رہے کہ ارہان خان اداکار و پروڈیوسر اربان خان اور ملائیکہ اروڑا کے اکلوتے بیٹے ہیں، وہ 2002ء میں پیدا ہوئے جبکہ ان کے والدین 19 سالہ ازدواجی زندگی کے بعد 2016ء میں علیٰحدہ ہوگئے تھے۔