پی آئی سی پر وکلا کے حملے کے بعد لاہور میں رینجرز تعینات ،اہلکار کن کن اہم مقامات پر موجود ہو نگے ؟جانئے

پی آئی سی پر وکلا کے حملے کے بعد لاہور میں رینجرز تعینات ،اہلکار کن کن اہم ...
پی آئی سی پر وکلا کے حملے کے بعد لاہور میں رینجرز تعینات ،اہلکار کن کن اہم مقامات پر موجود ہو نگے ؟جانئے

  



لاہور(ڈیلی پاکستان آن لائن ) لاہور میں وکلا اور ڈاکٹرز کے مابین ہونے والی کشیدگی کے بعد شہر میں کسی بھی ناخوشگوار واقعے اور امن و امان کی صورتحال کے پیش نظر رینجرز تعینات کرنے کرنے کی منظوری دے دی گئی، اس ضمن میں وفاقی وزارت داخلہ نے صوبائی دارالحکومت میں رینجرز تعینات کرنے کی منظوری دیتے ہوئے نوٹیفکیشن بھی جاری کردیا ہے۔

نو ٹی فیکیشن کے مطابق وزارت داخلہ نے لاہور میں امن و امان کی صورتحال قابو کرنے کے لیے رینجرز تعینات کرنے کی منظوری دے دی۔رینجرز کی تعیناتی انسدادی دہشت گردی ایکٹ 1997کی دفعہ 4,5کے تحت کی گئی ہے۔10پلاٹون اور دو کمپنیاں ریزرو کے طور پر رکھی جائیں گی ۔ڈی جی رینجرز پنجاب کے مطابق شہر کے مختلف مقامات پر رینجرز کے دستے تعینات کیے جائیں گے، جن اہم عمارات کے باہر رینجرز کے جوان تعینات کئے گئے ہیں ان میں گورنر ہاوس، پنجاب اسمبلی، سول سیکرٹیریٹ، ایوان عدل، سپریم کورٹ رجسٹری لاہور، لاہور ہائیکورٹ اور جی پی او چوک شامل ہیں، جب کہ آئی جی پنجاب اور پنجاب انسیٹیوٹ آف کارڈیالوجی (پی آئی سی) کے باہر بھی رینجرز کی ایک ایک پلاٹون تعینات کی جائے گی۔رینجرز کی دو کمپنیاں ریزرو کے طور پر بھی موجود رہیں گی ۔

مزید : اہم خبریں /قومی