"اگر ہر بکواس ٹویٹ کا ایک ڈالر ہوتا تو تم ۔۔۔" ایلون مسک کو ایک شخص نے یہ کہا تو انہوں نے آگے سے کیا ردِ عمل دیا؟

"اگر ہر بکواس ٹویٹ کا ایک ڈالر ہوتا تو تم ۔۔۔" ایلون مسک کو ایک شخص نے یہ کہا تو ...
سورس: Wikimedia Commons

  

واشنگٹن (ڈیلی پاکستان آن لائن) دنیا کے امیر ترین شخص ایلون مسک ٹوئٹر پر کوئی نہ کوئی شگوفہ چھوڑتے ہی رہتے ہیں اور کسی  بھی دوسرے ارب پتی کے برعکس سوشل میڈیا پر زیادہ نظر آتے ہیں۔ گزشتہ روز انہوں نے ایک ٹویٹ کی اور اپنے فالورز سے اس بارے میں رائے مانگی تو لوگوں نے انتہائی دلچسپ جواب دیے۔ایلون مسک نے اپنے ٹویٹ میں کہا کہ وہ اپنے تمام کام چھوڑ کر فل ٹائم انفلوئنسر بننے کا سوچ رہے ہیں، آپ کی اس بارے میں کیا رائے ہے؟

ان کی اس ٹویٹ کے جواب میں معروف یو ٹیوبر مسٹر بیسٹ نے کہا کہ اگر ایلون ایسا کرتے ہیں تو وہ انہیں یوٹیوب پر ویوز حاصل کرنے کی تربیت دیں گے جس پر ایلون نے ان کا شکریہ ادا کیا۔

ایلبائی سائڈ آرمز نامی اکاؤنٹ سے جواب دیا گیا کہ اگر ایلون "اونلی فینز" پر اپنا اکاؤنٹ بناتے ہیں تو وہ سب سے پہلے سبسکرائبر ہوں گے۔ اس کے جواب میں ایلون نے کہا کہ ایسا ممکن ہے۔ خیال رہے کہ اونلی فینز فحش ویڈیوز اور تصاویر کا پلیٹ فارم ہے جو سبسکرپشن کی بنیاد پر چلتا ہے۔

سامی فواد نے ایلون مسک کے ٹویٹ پر کہا  اگر ہر بکواس ٹویٹ پر تمہیں ایک ڈالر ملتا تو تم ۔۔۔ یہ کیا ، کوئی بات نہیں۔ سامی فواد شاید کہنا چاہتے تھے کہ ہر بکواس ٹویٹ سے ایک ڈالر ملتا تو ایلون ارب پتی ہوتے لیکن پھر انہیں یاد آگیا کہ وہ نہ صرف ارب پتی ہیں بلکہ دنیا کے امیر ترین شخص بھی ہیں، اسی لیے انہوں نے اپنی بات ادھوری چھوڑ دی۔ ایلون مسک اس ٹویٹ کا مطلب سمجھ گئے اسی لیے انہوں نےجواب میں ہنسنے والا ایموجی "ٹیرز آف جوائے"  پوسٹ کردیا۔

مزید :

ڈیلی بائیٹس -بین الاقوامی -