یمنیٰ زیدی سے شادی کی خبروں پر احمد علی اکبر نے رد عمل جاری کر دیا

یمنیٰ زیدی سے شادی کی خبروں پر احمد علی اکبر نے رد عمل جاری کر دیا
یمنیٰ زیدی سے شادی کی خبروں پر احمد علی اکبر نے رد عمل جاری کر دیا
سورس: Instagram/ahmedaliakbarofficial

  IOS Dailypakistan app Android Dailypakistan app

لاہور (ویب ڈیسک) احمد علی اکبر اوریمنیٰ زیدی دونوں کا شمار ہی شوبزانڈسٹری کے سب سے زیادہ پسند کیے جانے والے اداکاروں میں ہوتا ہے۔

نجی ٹی وی آج نیوز کے مطابق ڈرامہ سیریلز ’یہ رہا دل‘ اور ’پری زاد‘ میں ان کی کیمسٹری نے انہیں ناظرین کی ایسی پسندیدہ جوڑی بنایا کہ وہ حقیقی زندگی میں بھی انہیں ایک ساتھ دیکھنے کے خواہشمند نظر آنے لگے۔

اسی لیے ان کی آن سکرین کیمسٹری کے علاوہ حقیقی زندگی میں بھی دوستی نے ممکنہ ’آف اسکرین رومانس‘ کی افواہوں کو بھی جنم دیا۔

حال ہی میں احمد علی اکبر نے ایک ٹاک شو میں شرکت کے دوران ان افواہوں کے حوالے سے بات کرتے ہوئے انکشاف کیا کہ انہیں کئی لوگوں کی طرف سے مبارکباد کے فون موصول ہوئے جنہیں ان کی اور یمنیٰ کی متوقع شادی کا یقین تھا۔

تاہم اداکار نے ان افواہوں کو مسترد کرتے ہوئے کہا کہ ان کی یمنیٰ کی مبینہ شادی کی خبریں مکمل طور پرجھوٹی ہیں۔ اس سے ان مداحوں کی امیدوں پر پانی پھرگیا جو حقیقی زندگی میں بھی اپنے پسندیدہ جوڑے کو شادی کے بندھن میں بندھا دیکھنے کے خواہشمند تھے۔

شو میں میزبان کے سوال کا جواب دیتے ہوئے احمد علی اکبر نے کہا کہ یمنیٰ زیدی کے ساتھ شادی کی افواہیں پھیلنے پرانہیں کوئی اعتراض نہیں ہے۔

احمد علی اکبر کی وضاحت نے ان کے اور یمنیٰ زیدی کے درمیان تعلق کی افواہوں کو توختم کردیا تاہم مداح اس انٹرویو کے بعد دلچسپ قیاس آرائیاں کرتے نظر آرہے ہیں۔