ڈربن (ڈیلی پاکستان آن لائن) پاکستان اور جنوبی افریقہ کے درمیان کھیلے گئے پہلے ٹی 20 میچ میں جنوبی افریقہ نے سنسنی خیز مقابلے کے بعد پاکستان کو 11 رنز سے شکست دے دی۔ جنوبی افریقہ نے پہلے بیٹنگ کرتے ہوئے 183 رنز کا ہدف دیا، جس کے جواب میں پاکستان کی ٹیم 172 رنز ہی بنا سکی۔
جنوبی افریقی بلے باز ڈیوڈ ملر نے شاندار اننگز کھیلتے ہوئے 40 گیندوں پر 82 رنز بنائے اور ٹیم کے لیے مضبوط بنیاد فراہم کی۔ ان کے علاوہ جارج لنڈے نے بھی 24 گیندوں پر 48 رنز کی برق رفتار اننگز کھیلی۔ پاکستان کی جانب سے شاہین شاہ آفریدی اور ابرار احمد نے بہترین بولنگ کا مظاہرہ کرتے ہوئے 3، 3 وکٹیں حاصل کیں۔
پاکستان کی جانب سے کپتان محمد رضوان نے 74 رنز کی شاندار اننگز کھیلی، لیکن وہ ٹیم کو فتح سے ہمکنار نہ کرا سکے۔ صائم ایوب نے 15 گیندوں پر 31 رنز بنائے اور اچھی شروعات فراہم کی، مگر مڈل آرڈر بیٹنگ ناکام رہی۔
جنوبی افریقہ کی بولنگ میں جارج لنڈے نے کمال کارکردگی دکھائی اور 4 وکٹیں حاصل کیں، جب کہ کونا مافاکا نے 2 وکٹیں لے کر پاکستان کی مشکلات میں اضافہ کیا۔
اس شکست کے ساتھ جنوبی افریقہ کو تین میچوں کی سیریز میں 0-1 کی برتری حاصل ہو گئی ہے۔ دوسرے میچ میں پاکستان کے لیے یہ ضروری ہوگا کہ وہ اپنی بیٹنگ اور مڈل آرڈر پر توجہ دے کر بہتر کارکردگی کا مظاہرہ کرے۔