تھائی لینڈ کے بادشاہ بھومی بول ایدلیا دنیا کے امیر ترین حکمران قرار
بنکاک (اے این این) دنیا کے سب سے مالدار شاہی حکمران تھائی لینڈ کے بادشاہ بھولی بول ایدلیا ویج ہیں جن کی دولت کا تخمینہ 35 ارب ڈالر لگایا گیا ہے جس کے بعد برونائی کے سلطان حسن ہیں۔ ایک رپورٹ کے مطابق طویل ترین بادشاہی کرنے والے بھی تھائی لینڈ کے بادشاہ ہیں جو 68 برسوں سے شاہی تخت پر براجمان ہیں، ان کے بعد ملکہ برطانیہ الزبتھ دوئم 63 برسوں کے ساتھ دوسرے نمبر پر ہیں، معمر ترین شاہی حکمرانوں میں فی الوقت برطانیہ کی الزبتھ دوئم ہیں، انہیں یہ اعزاز حال ہی میں 91 سالہ سعودی فرمانروا شاہ عبداللہ کے انتقال کے بعد حاصل ہوا ہے۔