راناثنااللہ نے22نوجوانوں کوٹارگٹ کلنگ میں مروایا،چوہدری شیرعلی

راناثنااللہ نے22نوجوانوں کوٹارگٹ کلنگ میں مروایا،چوہدری شیرعلی
راناثنااللہ نے22نوجوانوں کوٹارگٹ کلنگ میں مروایا،چوہدری شیرعلی

  

فیصل آباد (صباح نیوز)پاکستان مسلم لیگ (ن )کے مرکزی رہنما چوہدری شیر علی نے کہا ہے کہ بائیس قتل کروانے والے رانا ثنا اللہ پانی کا بلبلہ ہیں، پنجاب حکومت سر سے ہاتھ اٹھا لے تو بلبلہ پھٹ جائے گا، ایسا نہ ہونے پر اپنے کان کٹوانے کو تیار ہوں۔

محمد عرفان کو فکسنگ سکینڈل سے کلیئر کر دیا گیا، اسلام آباد یونائیٹڈ کی ٹیم کا حصہ رہیں گے،کلک کریں

فیصل آباد کے علاقے الہیٰ آباد میں میڈیا سے گفتگو کرتے ہوئے چوہدری شیر علی کا کہنا تھا کہ پنجاب حکومت رانا ثنا اللہ کے سر سے ہاتھ اٹھا لے تو یہ پانی کے بلبلے کی طرح پھٹ جائے، اگر ایسا نہ ہو تو میرے کان کاٹ دیں۔چوہدری شیرعلی کا کہنا تھا کہ رانا ثنا اللہ نے بائیس نوجوان قتل کروائے اور اس کے لئے مفرور انسپکٹر فرخ وحید کو استعمال کیا، ملک میں جہاں بھی ٹارگٹ کلنگ ہوتی ہے وہاں چند ماہ بعد قاتل پکڑے جاتے ہیں لیکن رانا ثنا اللہ کے انتخابی حلقے میں ٹارگٹ کلنگ میں بائیس افراد کو ہلاک کرنے والے قاتل گرفتار نہیں ہو رہے ۔

محمد عرفان کے بعد ذوالفقار بابر اور شاہ زیب حسن بھی الزامات سے بری، پی ایس ایل کھیلتے رہیں گے،کلک کریں

انہوں نے کہا کہ شاید پنجاب حکومت قاتل کو تحفظ دے رہی ہے جبکہ پولیس بھی ان اندھے قتلوں میں جانبداری کا مظاہرہ کر رہی ہے ۔مسلم لیگی رہنما کا کہنا تھا کہ رانا ثنا اللہ ملک کا موجودہ یا آنے والا حکمران نہیں ہے جو ہم اس کے پیچھے ایجنسیوں کو لگائیں گے ۔چوہدری شیرعلی نے امید ظاہر کیا کہ سپریم کورٹ سے پانامہ کیس کا صحیح فیصلہ آئے گا۔

مزید : فیصل آباد