پشاور بی آر ٹی پراجیکٹ میں بسوں اور پلوں کی تعدا کم کر دی گئی

پشاور بی آر ٹی پراجیکٹ میں بسوں اور پلوں کی تعدا کم کر دی گئی

پشا و ر (آ ئی این پی)پشاور بس ریپڈ ٹرازنٹ (بی آر ٹی) میں بسوں اور پلوں کی تعداد کم کردی گئی ہے، نجی ٹی وی کے مطا بق پشاور ریپڈ بس منصوبہ کی رپورٹ منظر عام پر آگئی جس سے پتہ چلا ہے کہ منصوبے میں 10 سے زائد بڑی تبدیلیاں کی گئی ہیں، فزیبلیٹی رپورٹ کے مطابق بی آر ٹی منصوبے میں 2 کی بجائے 4 پل تعمیر کئے گئے ہیں اور بسوں کی تعداد 383 سے کم کرکے 220 کردی گئی ہے، نجی ٹی وی کے مطا بق بی آر ٹی روٹ کے ساتھ تین رویہ سڑکیں تاحال تعمیر نہیں ہوئیں اور بس روٹ کے ساتھ سڑکیں کشادہ کرنے کے لئے تجاوزات بھی نہیں ہٹائیں گئیں جبکہ روٹ پر سائیکل ٹریک اور فٹ پاتھ بھی تعمیر نہیں ہوا،پبلک ٹرانسپورٹ میں روزانہ 4 لاکھ 73 ہزارمسافروں کا سروے کیا گیا ہے تاہم 80 فیصد گاڑیوں کا احاطہ نہیں کیا گیا۔2017میں پشاور بس ریپڈ ٹرانزٹ سسٹم کا سنگِ بنیاد رکھا گیا تھا اور اسے 8 ماہ کے اندر مکمل کرنا تھا لیکن یہ منصوبہ تاخیر کا شکار ہوگیا جس کے نتیجے میں اس کی لاگت 50 ارب روپے سے بڑھ کر 79 ارب روپے ہوگئی ہے۔ اب خیبرپختونخوا حکومت نے 23 مارچ کو منصوبے کا افتتاح کرنے کا اعلان کیا ہے،نیب کی جانب سے اس منصوبے میں مبینہ کرپشن کی تحقیقات بھی کی گئی ہیں۔

مزید : پشاورصفحہ آخر