ن لیگ کے رہنما خرم دستگیر نے اصغرخان کیس میں اپنے قائدین کے خلاف بھی کارروائی کی حمایت کردی

ن لیگ کے رہنما خرم دستگیر نے اصغرخان کیس میں اپنے قائدین کے خلاف بھی کارروائی ...
ن لیگ کے رہنما خرم دستگیر نے اصغرخان کیس میں اپنے قائدین کے خلاف بھی کارروائی کی حمایت کردی

  

اسلام آباد(ڈیلی پاکستان آن لائن) مسلم لیگ ن کے رکن قومی اسمبلی خرم دستگیر نے کہاہے کہ اصغر خان کیس کی مزید انکوائری ہونی چاہئے جس جس نے جو بھی کیاہے ، چاہئے وہ فوجی افسران تھے یا ہمارے قائدین تھے ، ان کواس کا سامنا کرنا پڑے گا ۔

جیونیوز کے پروگرام ”کیپٹل ٹاک“ میں گفتگو کرتے ہوئے خرم دستگیر نے کہاکہ صرف میرے حلقے میں لوگوں کے بل چار گنا زیادہ آئے ہیں، پور ے ملک میں لوگوں کے گیس کے بل زیادہ آرہے ہیں اور لوگ بلبلا رہے ہیں، 57پیسے فی یونٹ اضافہ عوام حکمرانوں کی نا اہلی کی وجہ سے ادا کررہے ہیں۔

ان کا کہنا تھا کہ اصغر خان کیس کی مزید انکوائری ہونی چاہئے جس جس نے جو بھی کیاہے ، چاہئے وہ فوجی افسران تھے یا ہمارے قائدین تھے ، ان کواس کا سامنا کرنا پڑے گا ۔

مزید : قومی