عامر خان 21اپریل کو رنگ میں اترنے کے لئے تیار
لندن(ڈیلی پاکستان آن لائن) پاکستانی نژ اد برطانوی باکسر عامر خان نے ایک بار پھر باکسنگ رنگ میں اترنے کا اعلان کر دیا، سابق ورلڈ چیمپئن رواں برس تین بین الاقوامی مقابلوں میں حصہ لیں گے۔
A photo I never thought I would see! I'm delighted to announce the signing of @amirkingkhan to @MatchroomBoxing and @SkySportsBoxing returns to the ring April 21 @EchoArena ???????? pic.twitter.com/iDdTKMYBtH
— Eddie Hearn (@EddieHearn) January 10, 2018
سابق ورلڈ چیمپئن باکسر عامر خان نے لندن میں ایڈی ہیرن، ایڈم سمتھ اور اپنے والد شاہ خان کے ہمراہ پریس کانفرنس کے دوران کہنا تھا کہ وہ دو سال بعد لیورپول میں 21 اپریل کو رنگ میں اتریں گے۔
عامر خان کے پروموٹر ایڈی ہیرن نے کہا کہ عامر خان کے مد مقابل کا اعلان اگلے ہفتے کیا جائے گا۔ انہوں نے کہا کہ رواں سال عامر خان کے مینی پیکیاو¿، کیل بروک، کیتھ تھورمین اور ایرل سپینس سے مقابلوں کا امکان ہے۔ ان کے والد کا کہنا تھا کہ عامر خان نے دو سال بعد دوبارہ رنگ میں اترنے کا بہترین فیصلہ کیا ہے۔
