کمزور برآمدات ، بڑھتی ہوئی درآمدات ، پاکستان کا مالی خسارہ معیشت کے لئے بڑا خطرہ : ورلڈ بینک
کراچی ( مانیٹر نگ ڈیسک )ورلڈ بینک کا کہنا ہے کہ پا کستان کا مالی خسارہ معیشت کے لیے بڑا خطرہ ہے، جس کا سبب کمزور برآمدات اور بڑھتی ہوئی درآمدات ہے۔ مالی سال 18۔2017 میں پاکستانی معیشت 5.5 فیصد کی شرح سے ترقی کریگی اور آنے والے برسوں میں یہ شرح 5.9 فیصد ہوجائے گی۔ورلڈ بینک کی جانب سے جاری کی گئی عالمی معیشت پر رپورٹ میں بتایا گیا کہ مالی سال کے ابتدائی 6 مہینوں میں معاشی سرگرمیاں بڑھی ہیں۔رپورٹ کے مطابق سرمایہ کاری اور قرض اخراجات بڑھانے میں مدد دے رہے ہیں۔رپورٹ میں بتایا گیا کہ پاکستان میں کنسٹرکشن اور خدمت کے شعبے سرگرم رہے۔مزید کہا گیا کہ مون سون کا مزاج معمول پر آنے سے زرعی شعبہ بحال ہوا ہے۔ورلڈ بینک رپورٹ میں کہا گیا ہے کہ پاکستان کا مالی خسارہ معیشت کے لیے بڑا خدشہ ہے، جس کا سبب کمزور برآمدات اور بڑھتی ہوئی درآمدات ہے۔
ورلڈ بنک