عامر لیاقت حسین کے ساتھ ’ہاتھ‘ ہوگیا، حکومت نے وہ کام کردیا کہ معروف اینکر کی ’بولتی‘ بند ہوگئی
کراچی (ڈیلی پاکستان آن لائن) معروف اینکر پرسن ڈاکٹر عامر لیاقت حسین کا فیس بک صفحے اور نئی ویب سائٹ کو پاکستان میں بند کردیا گیا ہے۔
ٹوئٹر پر اپنے پیغام میں ڈاکٹر عامر لیاقت حسین نے بتایا کہ پاکستان ٹیلی کمیونیکیشن اتھارٹی (پی ٹی اے) کی جانب سے ان کے فیس بک صفحے کو بند کردیا گیا ہے جبکہ ویب سائٹ بھی بند کردی گئی ہے۔انہوں نے بتایا کہ ان کے فیس بک صفحے پر 25 لاکھ سے زائد فالورز تھے لیکن پی ٹی اے کی جانب سے اسے بند کرکے ان کے ساتھ ظلم کیا گیا اور انہیں بنیادی حقوق سے محروم کیا گیا جو کہ ظلم کی انتہا ہے۔
ڈاکٹر عامر لیاقت حسین نے کہا کہ گستاخانہ صفحات کی بندش میں اتنی مستعدی نہیں دکھائی گئی لیکن ان کے فیس بک صفحے اور ویب سائٹ کو بند کرنے میں لمحہ بھر نہ لگا، ’ اللہ بہت بڑا ہے، میں صرف صبر کر رہا ہوں، دعا کیجئے کہیں صبر ٹوٹ نہ جائے‘۔ انہوںنے مطالبہ کیا کہ تمام صحافی اور انسانی حقوق کی تنظیمیں ان کے حق کیلئے آواز بلند کریں۔
PTA has quietly suspended my facebook page https://t.co/NnCOXIjlmz (which has 2.5 million likes)& my website https://t.co/n0EW1DhtPN This is a grave inhumanity. I am being deprived of my basic rights, I request all Journalist and Human rights orgs to raise voice against injustice pic.twitter.com/raUm3jigQb
— Aamir Liaquat Husain (@AamirLiaquat) January 10, 2018
خیال رہے کہ اسلام آباد ہائیکورٹ کی جانب سے ڈاکٹر عامر لیاقت حسین پر ٹی وی چینل پر پروگرام کرنے، کسی بھی پروگرام یا تشہیری مہم میں حصہ لینے پر پابندی عائد ہے۔ انہوں نے اس پابندی کا توڑ سوشل میڈیا کے ذریعے نکالا اور ایک ویب سائٹ تخلیق کرکے اپنے کام کا آغاز کیاتھا، انہوں نے 2 روز قبل اعلان کیا تھا کہ وہ اپنی ویب سائٹ کو توسیع دینے کا ارادہ رکھتے ہیں لیکن توسیع سے پہلے ہی ان کی ویب سائٹ بند کردی گئی ہے۔
Launching soon with completely new pattern... A complete site with complete content..... News, Entertainment, Infotainment, Sports, Technology, Economics, World News, Regional News, Hollywood and etc.https://t.co/z8YrWgzLzj... pic.twitter.com/TjKizEX2S0
— Aamir Liaquat Husain (@AamirLiaquat) January 9, 2018