نوجوان دشمن کی سازش ناکام بنانے میں اہم کردار ادا کر رہے ہیں: ڈی جی آئی ایس پی آر

نوجوان دشمن کی سازش ناکام بنانے میں اہم کردار ادا کر رہے ہیں: ڈی جی آئی ایس پی ...
نوجوان دشمن کی سازش ناکام بنانے میں اہم کردار ادا کر رہے ہیں: ڈی جی آئی ایس پی آر

  

راولپنڈی (ڈیلی پاکستان آن لائن) ڈی جی آئی ایس پی آر میجر جنرل آصف غفور کا کہنا ہے کہ نوجوان دشمن کی سازش ناکام بنانے میں اہم کردار ادا کر رہے ہیں، طلباملک کو در پیش چیلنجز سے با خبر رہیں۔

ترجمان پاک فوج کے مطابق بلتستان یونیورسٹی سکردوکے طلبا اور اساتذہ کے وفد نے آئی ایس پی آرکا دورہ کیا۔ یونیورسٹی کے وفد نے ڈی جی آئی ایس پی آر میجر جنرل آصف غفورسے ملاقات کی۔ ڈی جی آئی ایس پی آر نے یونیورسٹی کے وفد کو امن و استحکام کیلئے پاک فوج کی کوششوں سے آگاہ کیا ۔ انہوں نے طلبہ سے گفتگو کرتے ہوئے کہا کہ نوجوان دشمن کی سازش ناکام بنانے میں اہم کردار ادا کر رہے ہیں، طلباملک کو در پیش چیلنجز سے با خبر رہیں۔ملکی ترقی میں مثبت کردار ادا کرنے کی خاطر طلبہ اپنے کیرئیر پر توجہ مرکوز کریں۔ دشمن قوتیں ففتھ جنریشن وار میں سوشل میڈیا کے ذریعے نوجوان نسل کو ہدف بنا رہی ہیں لیکن ففتھ جنریشن وار کے دور میں دشمن کے حربے ناکام بنانے پر نوجوانوں کا کردار قابل تعریف ہے۔

آئی ایس پی آر کے مطابق یونیورسٹی کے وفد نے گلگت بلتستان میں امن و استحکام کے فروغ میں پاک فوج کے کردار پر شکریہ اداکیا۔ وفد نے پاک فوج کی دہشتگردی کے خلاف دی گئی قربانیوں کو بھی سراہا۔

مزید : اہم خبریں /قومی