خورشید شاہ سے تفتیش کے لیے  5رکنی جے آئی ٹی تشکیل،کون کون شامل ہے ؟نام سامنے آ گئے

خورشید شاہ سے تفتیش کے لیے  5رکنی جے آئی ٹی تشکیل،کون کون شامل ہے ؟نام سامنے ...
خورشید شاہ سے تفتیش کے لیے  5رکنی جے آئی ٹی تشکیل،کون کون شامل ہے ؟نام سامنے آ گئے

  



سکھر(ڈیلی پاکستان آن لائن)پاکستان پیپلز پارٹی کے مرکزی رہنما سید خورشید احمد شاہ سے تفتیش کے لیے بلاآخر ایک پانچ رکنی جوائنٹ انویسٹی گیشن ٹیم تشکیل دے دی ہے جس کے سربراہ ڈی جی نیب ملتان عتیق الرحمن ہونگے ۔

نجی ٹی وی کے مطابق قومی اسمبلی میں سابق اپوزیشن لیڈر اور پاکستان پیپلز پارٹی کے سینئر رہنما سید خورشید احمد شاہ کے خلاف کیسکی تحقیات کے لئے پانچ رکنی کمیٹی تشکیل دے دی گئی ہے،کمیٹی کی سربراہی  ڈی جی نیب ملتان عتیق الرحمن کریں گے جبکہدیگر ارکان میں ایف بی آر سے عبدالحفیظ، ایس ای سی پی سی سے ڈپٹی رجسٹرار رضوان ہارون، ایف آئی اے سے ڈپٹی سیکریٹری سجاد مصطفیٰ باجوہ اور ڈپٹی ڈائریکٹر وانویسٹی گیشن آفیسر عبدالحسن کاشان شامل ہیں،خورشید شاہ کے خلاف بننے والی جے آئی ٹی چیئرمین نیب کی منظوری کے بعد تشکیل دی گئی ہے۔ نیب کی جانب سے خورشید شاہ سمیت 18 افراد جن میں ان کے دو بیٹے، دو بیگمات اور داماد صوبائی وزیر سید اویس قادر شاہ بھی شامل ہیں پر ایک ارب 30 کروڑ سے زائد کے اثاثے بنانے کے الزام میں ریفرنس سکھر کی احتساب عدالت میں سماعت جاری ہے جس کی آئندہ  سماعت 17 جنوری کو ہوگی۔

مزید : علاقائی /سندھ /سکھر