حکومت نے اضاخیل ڈرائی پورٹ منصوبے کو انا کی بھینٹ چڑھادیا،سعد رفیق  

   حکومت نے اضاخیل ڈرائی پورٹ منصوبے کو انا کی بھینٹ چڑھادیا،سعد رفیق  

  



اسلام آباد (مانیٹرنگ ڈیسک) مسلم لیگی رہنماسعد رفیق نے کہا ہے کہ پی ٹی آئی حکومت نے اضاخیل ڈرائی پورٹ کے منصوبے کو انا کی بھینٹ چڑھایا جبکہ مریم اورنگزیب نے دعویٰ کیا کہ منصوبے کا نوے فیصد کام لیگی دور میں مکمل ہوا۔خواجہ سعد رفیق کا کہنا تھا کہ اضاخیل ڈرائی پورٹ کی تعمیر میں ڈیڑھ سال کی تاخیر کی ذمہ دار پی ٹی آئی حکومت ہے۔ لیگی دور کے منصوبوں پر تختیاں لگا کر اور تالیاں بجا کر عوام کو بے وقوف بنایا جا رہا ہے۔سابق وزیر ریلوے نے کہا کہ اپنی نالائقی پر شرمندگی کے بجائے اترانا تحریک انصاف کا طرہ امتیاز ہے۔ادھر ترجمان ن لیگ مریم اورنگزیب نے اپنے بیان میں کہا ہے کہ ڈرائی پورٹ کی بنیاد نواز شریف نے رکھی، عمران خان نے اسے سولہ ماہ میں تباہ کر دیا۔ یہ ابھی تک لیگی دور کے منصوبوں جیسا ایک بھی منصوبہ شروع نہیں کر سکے۔ 

سعد رفیق 

مزید : صفحہ آخر


loading...