پشاور، سی این جی سٹیشن پر فلنگ کے دوران گاری میں دھماکہ، ماں بیٹی جاں بحق، 3افراد زخمی 

پشاور، سی این جی سٹیشن پر فلنگ کے دوران گاری میں دھماکہ، ماں بیٹی جاں بحق، ...

  



پشاور (مانیٹرنگ ڈیسک) پشاور میں سی این جی سٹیشن پر فلنگ کے دوران گاڑی میں دھماکے میں ماں بیٹی جاں بحق جبکہ 3 افراد زخمی ہوگئے۔ جمعے کے روز چارسدہ روڈ پر سی این جی اسٹیشن میں گاڑی میں فلنگ کے دوران زوزدار دھماکہ کی وجہ سے گاڑی کے پرخچے اڑ گئے جبکہ سی این جی اسٹیشن کو بھی نقصان پہنچا۔دھماکے کے باعث گاڑی میں سوار ماں بیٹی سمیت پانچ افراد زخمی ہوئے جنہیں طبی امداد کے لیے ہسپتال منتقل کیا گیا تاہم خاتون اور کمسن بچی زخموں کی تاب نہ لاتے ہوئے دم توڑ گئیں۔سی این جی ایسوسی ایشن خیبر پختونخوا کے صدر فضل مقیم کے مطابق دھماکے کی وجہ ممکنہ طور پر ناقص سلنڈر کا استعمال ہوسکتا ہے۔ جائے وقوعہ سے شواہد اکھٹے کر کے دھماکے کی وجوہات جاننے کے لیے تفتیش شروع کر دی گئی ہے۔

 گاڑی میں دھماکہ

مزید : صفحہ آخر