پاکستانی آل راﺅنڈر کائنات امتیاز اور ان کی والدہ کرکٹ گراؤنڈ میں بیک وقت ان ایکشن مگر کیسے؟ جان کر آپ بھی داد دینے پر مجبور ہو جائیں

لاہور (ڈیلی پاکستان آن لائن) خاتون کھلاڑی کی کامیابی میں ان کی ماں کا بڑا کردار ہوتا ہے، یوں تو عموماً مائیں گراﺅنڈ کے باہر ہی بیٹھ کر اپنی بیٹی کا میچ دیکھتی ہیں لیکن پاکستان ویمنز کرکٹ ٹیم کی کھلاڑی کائنات امتیاز کی والدہ اپنی بیٹی کیساتھ بیک وقت گراﺅنڈ میں ایکشن میں نظر آئیں۔
تفصیلات کے مطابق یہ دلچسپ واقعہ کراچی میں جاری ویمنز ٹی 20 کرکٹ ٹورنامنٹ کے دوران پیش آیا جہاں بیٹی نے میچ کھیلا تو ماں نے امپائر کے فرائض سرانجام دئیے۔ پاکستان کرکٹ ٹیم کی آل راﺅنڈر کائنات امتیاز نیشنل سٹیڈیم میں جاری ٹی ٹوئنٹی ٹورنامنٹ میں پی سی بی ڈائنامائٹس کی نمائندگی کررہی ہیں، جبکہ اسی ٹورنامنٹ میں ان کی والدہ سلیمہ امتیاز امپائر کے فرائض انجام دے رہی ہیں۔

Meet my MOM ♥️
Mom: A title just above queen.

Always there/Support System
Proud Moment.
Umpiring at National triangular T20 women's cricket tournament 2019-20. ???? pic.twitter.com/HiiD1n5gKC

— Kainat Imtiaz (@kainatimtiaz16) January 11, 2020

کائنات امتیاز نے اپنی والدہ کی امپائرنگ کے دوران تصاویر سوشل میڈیا پر پوسٹ کرکے لکھا ہے کہ ان کی والدہ نے ہمیشہ انہیں سپورٹ کیا۔ کائنات امتیاز 12ون ڈے اور 11ٹی 20میچز میں پاکستان کی نمائندگی کرچکی ہیں۔