شیخ رشید وعدے پر قائم رہیں،19 جنوری کو ہم آرہے ہیں،غفور حیدری پی ڈی ایم میں ہمت ہے تو راولپنڈی کی طرف آکر دکھائیں، شیخ رشید

  شیخ رشید وعدے پر قائم رہیں،19 جنوری کو ہم آرہے ہیں،غفور حیدری پی ڈی ایم میں ...

  

اسلام آباد(سٹاف رپورٹر) وفاقی وزیر برائے داخلہ شیخ رشید نے کہا ہے کہ پاکستان ڈیموکریٹک موومنٹ (پی ڈی ایم)کی تحریک دم توڑ رہی ہے، اگر ان میں ہمت ہے تو راولپنڈی کی طرف آکر دکھائیں اسلام آباد میں فریڈم ہاؤس میں استقبالیہ تقریب سے خطاب کرتے ہوئے شیخ رشید نے کہا کہ عمران خان چوروں اور ڈاکوؤں سے مفاہمت کے بجائے ان کا احتساب کریں گے اور وہ پاکستان کو ترقی دلوائیں گے،انہوں نے کہا کہ پاکستان کی سیاست اور معیشت کو ٹھیک کریں گے اپوزیشن اتحاد سے متعلق وفاقی وزیرداخلہ کا کہنا تھاکہ پی ڈی ایم کی تحریک دم توڑ رہی ہے، اگر ان میں ہمت ہے تو راولپنڈی کی طرف آکر دکھائیں، جو لوگ 29دسمبر کی تاریخیں دیتے تھے انہیں سال بھی بتانا چاہیے تھا انہوں نے کہا کہ یہ لوگ استعفے نہیں دیں گے، سینیٹ اور ضمنی کے انتخابات میں حصہ لیں گے، پیپلزپارٹی کا پنجاب میں کوئی عمل دخل نہیں رہا۔ 

شیخ رشید

مزید :

صفحہ اول -