ملک میں آٹے کی  قیمت ساڑھے 7ماہ کی کم ترین سطح پر پہنچ گئی

ملک میں آٹے کی  قیمت ساڑھے 7ماہ کی کم ترین سطح پر پہنچ گئی
ملک میں آٹے کی  قیمت ساڑھے 7ماہ کی کم ترین سطح پر پہنچ گئی

  

اسلام آباد (ڈیلی پاکستان آن لائن ) ملک بھر میں آٹے کی قیمت ساڑھے سات ماہ کی کم ترین سطح پر آ گئی ہے، ایک ہفتے میں آٹے کا 20 کلو کا تھیلا 390 روپے تک سستا ہو گیا۔

دنیا نیوز کے مطابق ادارہ شماریات کی جانب سے جاری ہونے والے اعدادوشمار میں بتایا گیا ہے کہ ملتان میں آٹے کے تھیلے کی قیمت میں 390 روپے تک کمی ریکارڈ کی گئی جبکہ کراچی میں آٹے کا تھیلا 120 روپے تک سستا ہوگیا، لاڑکانہ میں آٹے کا تھیلا 80 روپے تک سستا ہوا جبکہ بنوں میں آٹے کے تھیلے کی قیمت میں 20 روپے کمی ریکارڈ کی گئی۔

اعدادوشمار کے مطابق ملتان میں آٹے کا تھیلا 1250 سے کم ہو کر 860 روپے، کراچی میں 1320 سے کم ہو کر 1200 روپے، لاڑکانہ میں 1200 سے کم ہو کر 1120 روپے جبکہ بنوں میں 1220 سے کم ہو کر 1200 روپے ہو گیا ہے۔رپورٹ میں کہا گیا ہے کہ اس وقت پشاور کے شہری ملک میں سب سے مہنگا آٹا خریدنے پر مجبور ہیں۔ پشاور میں آٹے کا تھیلا 1300 روپے تک میں فروخت ہو رہا ہے۔ اس کے علاوہ حیدر آباد میں آٹے کا تھیلا 1280 روپے تک میں فروخت ہونے کی اطلاعات ہیں۔ادارہ شماریات کا کہنا ہے کہ کوئٹہ میں آٹے کا تھیلا 1270 روپے جبکہ خضدار میں اس کی قیمت 1230 روپے تک ہے۔ اسلام آباد 870، سیالکوٹ 855 روپے، لاہور اور راولپنڈی، فیصل آباد، سرگودھا، گوجرانوالہ اور بہاولپور میں بھی آٹے کے تھیلے کی قیمت 860 روپے تک ہے۔

مزید :

قومی -