لاہورمیں مزید 3امیگریشن اینڈ پاسپورٹ دفاتر کھولنے کا فیصلہ

 لاہور(این این آئی)صوبائی دارالحکومت لاہور میں مزید 3امیگریشن اینڈ پاسپورٹ دفاتر کھولنے کا حتمی فیصلہ کر لیا گیا، تینوں پاسپورٹ دفاتر کو 24گھنٹے کھولنے کے احکامات جاری کئے گئے ہیں۔شہر میں مجموعی طور پر 4دفاتر میں 24گھنٹے پاسپورٹ اجرا ء کی سہولت میسر ہو گی،شملہ پہاڑی، ساندہ اور پیکو روڈ کوٹ لکھپت پر پاسپورٹ دفتر کھولے جائیں گے،پاسپورٹ دفاتر کو کھولنے کے لئے نادرا سینٹرز میں علیحدہ کاؤنٹر قائم ہوں گے۔نادرا سینٹرز میں قائم ہونے والے پاسپورٹ دفاتر پر علیحدہ عملہ تعینات کیا جائے گا،وزیر داخلہ محسن نقوی کی ہدایت کی روشنی میں تینوں دفاتر کو کھولا جا رہا ہے۔آئندہ ہفتے تینوں پاسپورٹ دفاتر کو آپریشنل کر دیا جائے گا، سائلین پورا ہفتہ کسی بھی وقت دفاتر کا وزٹ کر کے پاسپورٹ بنوا سکیں گے۔

 پاسپورٹ دفاتر