لاہور میں ماحول دوست الیکٹرک آٹو رکشے فعال کرنے کا فیصلہ

لاہور (جنرل رپورٹر)پنجاب حکومت نے  لاہور میں ماحول دوست ٹرانسپورٹ کی ترویج کیلئے فیصلہ کر لیا۔ لاہور میں روایتی آٹو رکشوں کے بجائے الیکٹرک آٹو رکشے آپریشنل کرانے کا فیصلہ کیا گیا۔ پہلے فیز میں الیکٹرک رکشہ اور چارجنگ سٹیشنز کیلئے 9کروڑ ڈالرز خرچ ہونگے،وزیراعلیٰ نے ٹاسک صوبائی وزیر ٹرانسپورٹ بلال اکبر خان کو تفویض کر دیا، ورلڈ بینک نے بھی الیکٹرک آٹو رکشوں کیلئے گرانٹ ان ایڈ دینے پر آمادگی کا اظہار کردیا۔ ورلڈ بینک نے گرانٹ ایڈ کا کیس ایگزیکٹو بورڈ میں منظوری کیلئے ارسال کردیا،رواں برس مارچ میں ورلڈ بینک ایگزیکٹو بورڈ اجلاس میں منطوری متوقع ہے۔ وزیر ٹرانسپورٹ بلال اکبر خان کا کہنا ہے کہ الیکٹرک آٹو رکشے چلانے کیلئے حکمت عملی مرتب کرلی،الیکٹرک پبلک ٹرانسپورٹ سے آلودگی اور سموگ سے نمٹا جائیگا۔