پاکستان سپر لیگ،احمد شہزاد اور عمر اکمل گولڈ کیٹگری میں شامل 

لاہور (یواین پی) پی ایس ایل 10 کے مقامی کھلاڑیوں کی گولڈ کیٹیگری کی فہرست میں احمد شہزاد اور عمر اکمل شامل ہوگئے۔پاکستان کرکٹ بورڈ نے گولڈ کیٹیگری میں مقامی کھلاڑیوں کی متوقع فہرست شائع کی جس میں کئی قابل ذکر کھلاڑی شامل ہیں۔مقامی کھلاڑیوں میں احمد شہزاد، فواد عالم، عمر اکمل، شرجیل خان شامل ہیں۔احمد شہزاد آخری بار 2020ء کے ایڈیشن میں لیگ میں شامل ہوئے جہاں انہوں نے اس وقت کی دفاعی چیمپئن کوئٹہ گلیڈی ایٹرز کی نمائندگی کی تھی۔

پی ایس ایل 10 کی ڈرافٹنگ تقریب 11 کے بجائے اب 13 جنوری کو لاہور میں ہوگی جس میں 6 ٹیمیں کھلاڑیوں کا انتخاب کریں گی جس کے لیے کیٹیگریز کو حتمی شکل دے دی گئی ہے۔آسٹریلوی اوپنر ڈیوڈ وارنر، ٹم ساؤتھی، کرس لین سمیت 40 اوورسیز پلیئر پلاٹینیم کیٹیگری میں دستیاب ہیں۔پلاٹینیم کیٹیگری میں میتھیو شارٹ، مجیب الرحمان، مائیکل بریسویل، کوشال مینڈس اور جیسن روئے جیسے کھلاڑی بھی موجود ہیں۔ پلاٹینیم کیٹیگری میں آٹھ غیرملکی کھلاڑیوں کا انتخاب ہوسکتا ہے جبکہ ڈائمنڈ کیٹیگری میں 87 اور گولڈ میں 165 غیرملکی کھلاڑیوں نے رجسٹریشن کروائی ہے۔پاتھم نسانکا، اسالنکا، فن ایلن چیپ مین، جیسن ہولڈر، ایڈم ملنے، شان ایبٹ، کوربن بوش، ڈیرل مچل، ایلکس کیری، عثمان خواجہ، شکیب الحسن اور مستفیض الرحمان بھی سیزن ٹین کے ڈرافٹ میں دستیاب ہیں۔