جاوید قاضی کی جگہ سکندر عمران بلوچ نئے سیکرٹری ٹرانسپورٹ مقرر

لاہور (جنرل رپورٹر)چیئرمین پنجاب ٹرانسپورٹ اتھارٹی اور سیکرٹری محکمہ ٹرانسپورٹ و ما س ٹر انزٹ ڈاکٹر احمد جاوید قاضی نے چارج چھوڑ دیا۔ ڈاکٹر احمد جاوید قاضی نے گشتہ روز سیکرٹری ٹرانسپورٹ و ما س ٹرا نزٹ کے عہدے کا چارج نئے سیکرٹری سکندر عمران بلوچ کے حوالے کیا اس حوالے سے ایک سادہ مگر پروقار تقریب ہوئی جس میں محکمہ ٹرانسپورٹ کے افسران اور ملازمین کی کثیر تعداد شریک ہوئی جس میں ڈاکٹر احمد جاوید قاضی نے نئے سیکرٹری کو محکمہ کے حوالے سے تفصیلی بریفنگ دی اور انہیں خوش آمدید کہا۔ نئے سیکرٹری کو انہوں نے بتایا کہ پنجاب میں وزیراعلی کے و یژ ن کے مطابق الیکٹرک بسوں اور لاہور کیلئے نئی ماس ٹر انزٹ لائنز عوام کو فراہم کرنے کا منصوبہ فائنل ہو چکا ہے۔ راولپنڈی اور مری کے درمیان گلاس ٹرین منصوبے کی فیزیبلٹی رپورٹ تیار کی جا رہی ہے۔ انشاء اللہ اگلے مالی سال میں اس منصوبے پر کام شروع ہو جائے گا۔ اسی طرح  27 الیکٹرک بسوں کی پہلی کھیپ آئندہ  چند روز میں کراچی کی بندرگاہ پہنچ جائے گی۔ اسی سال مزید 500 الیکٹرک بسیں بھی پنجاب کے 5 شہروں میں عوام کو سفری سہولیات فراہم کرتی نظر آئیں گی۔ اس موقع پر افسروں اور ملازمین نے سبکدوش ہونے والے سیکرٹری ڈاکٹر احمد جاوید قاضی کو زبردست الفاظ میں خراج تحسین پیش کیا۔ 

ٹرانسپورٹ سیکرٹری