جیلوں میں ملاقاتیوں کو شیڈتک پہنچانے کیلئے الیکٹرک گاڑیاں خریدنے کا فیصلہ 

                                                            لاہور(کرائم رپورٹر) حکومت نے پنجاب کی جیلوں میں ملاقاتیوں کو سہولت دینے کیلئے اہم اقدام اٹھا لیا۔پنجاب حکومت نے ملاقاتیوں کو بڑی جیلوں کے باہر سے ملاقات شیڈ تک پہنچانے کیلئے الیکٹرک گاڑیاں خریدنے کا فیصلہ کیا ہے۔جیل حکام کے مطابق ابتدائی طورپر لاہور کی کوٹ لکھپت اور نارووال جیل کیلئے الیکٹرک گاڑیاں خریدی جائینگی۔کوٹ لکھپت جیل کیلئے 2 الیکٹرک گاڑیاں خریدی جائیں گی جبکہ نارووال جیل کے لئے 1 گاڑی خریدی جائے گی۔جیل حکام کا کہنا ہے کہ 15 سواریوں کی کیپسٹی والی الیکٹرک گاڑیاں صبح سے ملاقات کے اختتام تک متحرک رہیں گی۔

جیل حکام