ڈاؤ میڈیکل کالج میں ٹیمپورل بون ڈائی سیکشن اسکل لیبارٹری کا افتتاح
کراچی(سٹاف رپورٹر) ڈاؤ میڈیکل کالج میں ٹیمپورل بون ڈائی سیکشن اسکل لیبارٹری کا افتتاح کردیا گیا، یہ صوبہ سندھ کی سرکاری یونیورسٹی میں ٹیمپورل بون ڈائی سیکشن کی سب سے بڑ ی لیبارٹری ہے جو ڈاؤ میڈیکل کالج میں قائم کی گئی ہے،اس لیبارٹری کو شعبہ اوٹورہینولیرنگولوجی یڈ اینڈ نیک سرجری کا ایک اہم سنگِ میل قرار دیا جارہا ہے، افتتاحی تقریب میں چیئرمین ہائر ایجوکیشن کمیشن سندھ، پروفیسر طارق رفیع نے مہمان خصوصی کی حیثیت سے شرکت کی، ڈاؤ یونیورسٹی آف ہیلتھ سائنسز کے وائس چانسلر پروفیسر محمد سعید قریشی نے بطور مہمان اعزازی جبکہ پرو وائس چانسلر پروفیسر نازلی حسین، پرنسپل ڈا میڈیکل کالج پروفیسر صبا سہیل، برطانیہ سے ڈاکٹر شادابہ احمد، فیکلٹی ممبرز اور پوسٹ گریجویٹ ٹرینیز نے بھی شرکت کی، افتتاحی تقریب سے خطاب کرتے ہوئے چیئرمین ایچ ای سی سندھ پروفیسر طارق رفیع نے کہاکہ ٹیمپورل بون ڈائی سیکشن، اوٹولیرنگولوجی ٹریننگ کا ایک اہم جز و، جس میں اناٹومیکل علوم اور سرجری میں مہارت کی ضرورت ہوتی ہے، انہوں نے کہا کہ 2000 کی دہائی کی ابتداسے پاکستان میں ا س شعبے میں تیزی سے جدت آئی ہے، جدید تربیتی پروگرامز، ورکشاپس اور کانفرنسز نے پاکستانی اوٹوولیرنگولوجسٹس کی مہارت میں نمایا ں اضافہ کیا ہے، اس موقع پر ڈاؤ یونیورسٹی کے وائس چانسلر پروفیسر محمد سعید قریشی نے کہا کہ اسکل لیبارٹری کے قیام کے ذریعے ریزیڈینٹس کو سرجری کی صلاحیت کو نکھارنے کے لیے ایک مخصوص جگہ فراہم کی گئی ہے جس کا مقصد اسٹیشنز اور لیبارٹری کو جدید آلات اور بہتر سہولیات سے لیس کرنا،صلاحیتوں بہتر اور مضبوط بنانا ہے، انہوں نے کہا کہ اسکل لیب کے قیام میں ڈا یونیورسٹی کے-ای این ٹی ڈپارٹمنٹ کی چیئرپرسن پروفیسر زیبا احمد اور ان کی ٹیم کی کوششیں قابل قدر ہیں، لیبارٹری میں 7 اسٹیشنز ہیں جن میں سے 5 مکمل طور پر آپریٹنگ مائیکرواسکوپس سے لیس ہیں، اس لیبارٹری سے، نظریاتی علم اور عملی اطلاق کے مابین فرق کو ختم کرنے میں مدد ملے گی تاکہ ٹرینیز ضروری سرجیکل مہارت حاصل کر سکیں اور مریضوں کو بھی بہترین سہولیات فراہم کی جاسکیں، اس لیبارٹری سے ٹیمپورل بون کی ڈائیسیکشن اور سرجری کی ہینڈز آن ٹریننگ، ٹیمپورل بون کی اناٹومی کو سمجھنے میں مدد ملے گی، سرجری کو سمجھنے اور اہم ترین اعضا کو پہچاننے اور انہیں محفوظ کرنے کی صلاحیت میں اضافہ ہوگا۔
