اسلام آباد (ڈیلی پاکستان آن لائن) محکمہ موسمیات کا کہنا ہے کہ اتوار کے روز ملک کے بیشترعلاقوں میں موسم سرد اور خشک جبکہ پہاڑی علاقوں میں صبح اوررات کے اوقات میں شدید سرد رہنےکا امکان ہے ۔ کشمیر،مری ،گلیات اور گردونواح میں چند مقامات پر تیز ہواؤں اور گرج چمک کے ساتھ بارش اورپہاڑوں پر ہلکی برفباری کی توقع ہے۔ صبح اوررات کے اوقات میں پنجاب کے میدانی اضلاع میں درمیانی سے شدید دُھند چھائے رہنے کی توقع ہے۔
محکمہ موسمیات کے مطابق آج رات لاہور، شیخوپورہ، قصور ،ا وکاڑہ، بہاولنگر،سیالکوٹ، نارووال ،گوجرانوالہ اور گرد و نواح میں چند مقامات پر گرج چمک کے ساتھ بارش کا امکان ہے ۔ پنجاب کے دیگر اضلاع میں موسم سرد اور مطلع جزوی ابر آلود رہنے کا امکان ہے تاہم مری، گلیات اورگردونواح میں موسم شدید سرد رہنے کے علاوہ چند مقامات پر ہلکی بارش اور ہلکی برفباری کی توقع ہے۔
اتوارکے روز منڈی بہاؤالدین، جہلم، گجرات لاہور، شیخوپورہ، قصور ،ا وکاڑہ، ساہیوال ، سیالکوٹ، نارووال ،گوجرانوالہ، رحیم یار خان، خان پور، بہاولنگر، بہاولپور، پاکپتن، خانیوال، وہاڑی، فیصل آباد، ٹوبہ ٹیک سنگھ، جھنگ، ڈی جی خان، اور گرد و نواح میں میں شدید دھند چھاۓ رہنے کی توقع ہے ۔ مری، گلیات اورگردونواح میں موسم شدید سرد رہنے کے علاوہ چند مقامات پر ہلکی بارش اور ہلکی برفباری کی توقع ہے۔
صوبہ سندھ میں آج رات اور کل موسم سرد اور خشک رہنے کی توقع ہے۔ گلگت بلتستان میں موسم شدید سرد اور مطلع جزوی ابر آلود، کشمیر میں موسم شدید سرد ، مطلع ابر آلود رہنے کے علاوہ بارش اور ہلکی برفباری کا امکان ہے۔ بلوچستان کے بیشتر اضلاع میں کل موسم سرد اور خشک جبکہ پہاڑی علاقوں میں صبح اور رات کے اوقات میں شدید سرد رہنےکا امکان ہے۔ خیبر پختونخوا کے بیشتر اضلاع میں اتوار کے روز موسم سرداور خشک جبکہ پہاڑی علاقوں میں شدید سرد رہے گا۔ صبح کے اوقات میں بنوں،لکی مروت، ڈیرہ اسماعیل خان اور گردو نواح میں چند مقامات پرشدید دھند پڑنے کی توقع ہے۔