ملک بھر میں مظلوم فلسطینیوں سے اظہار یکجہتی کیلئے عالمی یوم القدس منایاگیا

ملک بھر میں مظلوم فلسطینیوں سے اظہار یکجہتی کیلئے عالمی یوم القدس منایاگیا

لاہور( نمائندہ خصوصی،ایجوکیشن رپورٹر)مجلس وحدت مسلمین اور آئی ایس اوکے زیر اہتمام نماز جمعہ کے بعد ملک بھر میں مظلوم فلسطینیوں سے اظہار یکجہتی کے لئے عالمی یوم القدس منایاگیا،ملک بھر میں پانچ سو سے زائد ریلیوں کا انعقاد کیا گیا،کراچی میں آئی ایس او کی مرکزی یوم القدس کی ریلی سے سربراہ مجلس وحدت مسلمین علامہ راجہ ناصر عباس جعفری اور مرکزی صدر آئی ایس او پاکستان نے خطاب کی،جبکہ اسلام آباد میں ڈپٹی سیکرٹری جنرل مجلس وحدت مسلمین پاکستان علامہ امین شہیدی القدس ریلی کی قیادت کی،کوئٹہ میں مجلس وحدت مسلمین کے رکن بلوچستان اسمبلی آغا سید محمد رضا مرکزی ریلی قیادت کی،خیبر پختونخواہ میں مجلس وحدت مسلمین کے صوبائی سیکرٹری جنرل علامہ سبطین حسینی اور صوبائی رہنما کرم ایجنسی سمیت صوبائی دارالحکومت میں مرکزی القدس ریلی کی قیادت کی گلگت میں القدس کی مرکزی ریلی کی قیادت علامہ نیر مصطفوی نے جبکہ بلتستان میں مرکزی القدس ریلی کی قیادت سیکرٹری جنرل مجلس وحدت مسلمین بلتستان ڈویژن آغا سید علی رضوی نے کی ۔پنجاب کے دارالحکومت لاہور میں مرکزی القدس ریلی دوپہر 2 بجے جامع مسجد صاحب الزمان اسلام پورہ سے اسمبلی ہال تک نکالی گئی جس کی قیادت مرکزی سیکرٹری سیاسیات سید ناصر شیرازی،سیکرٹری جنرل ایم ڈبلیو ایم پنجاب علامہ عبدالخالق اسدی،مرکزی سیکرٹری اطلاعات آئی ایس او پاکستان سجیل شمسی،اور شکیل نقوی نے کی ،مرکزی ریلی القدس لاہور اسلام پورہ تا اسمبلی ہال میں پاکستان عوامی تحریک،سنی اتحاد کونسل،جمعیت علمائے پاکستان (نیازی گروپ)،انجمن شہریان لاہور سمیت دیگر شخصیات نے شر کت کی۔اسی طرح پنجاب،سندھ،کے پی کے،بلوچستان،آزاد کشمیر اور گلگت بلتستان کے دیگر اضلاع اور تحصیلوں میں مجلس وحدت مسلمین کے ضلعی و تحصیل سیکرٹری جنرلز القدس ریلیوں کی قیاد ت کی۔لاہور القدس ریلی سے خطاب میں علامہ عبدالخالق اسدی کا کہنا تھا کہ قبلہ اول کی آزادی کے لئے جدو جہد ہمارے ایمان کا حصہ ہے،ہم اسرائیل کے ناپاک وجود کے خاتمے تک چین سے نہیں بیٹھیں گے،ریلی سے مرکزی رہنما مجلس وحدت مسلمین سید ناصر شیرازی نے بھی خطاب کی انہوں نے کہا کہ اسلامی ملکوں میں مسلمانوں کے قتل عام کرنے والے نام نہاد جہادی قبلہ اول کی آزادی کے لئے اسرائیل کے خلاف جہاد کریں پوری مسلم امہ ان کے شانہ بشانہ ہونگے،لیکن افسوس کا مقام یہ ہے کہ یہ گروہ جہاد کے نام پر اسرائیل اور امریکہ کے ہی درپردہ مدد کر رہے ہیں،ریلی اسے پاکستان عوامی تحریک کے رہنما ڈاکٹر رحیق عباسی نے بھی خطاب کی انہوں نے کہا کہ قبلہ اول کی آزادی اور مظلوم فلسطینیوں کی حمایت میں نکلنا عین عبادت ہے،آج عرب ممالک کے غلام حکمران مسلمانوں کے قتل عام کے لئے داعش،النصرہ اور طالبان جیسوں کی حمایت تو کرتے ہیں لیکن فلسطین میں جہاں مسلمانوں کی نسل کشی ہو رہی ہے اور قبلہ اول پر یہودیوں کا قبضہ ہے اس کے خلاف منہ نہیں کھولے گا کیونکہ ان عیاش عرب حکمرانوں کو اسرائیل اور امریکہ کے مفادات عزیز ہے،ریلی میں خواتین اور بچوں کی بڑی تعداد شریک تھی،ریلی کے شرکاء ہاتھوں میں پلے کارڈ اُٹھائے قبلہ اول کی آزادی کے لئے نعرے لگاتے رہے۔

مزید : صفحہ آخر