اداکارہ کنگنا رناوت نے ایسی حرکت کردی کہ فلم پروڈیوسر ایکتا کپور کو سرعام معافی مانگنا پڑگئی

اداکارہ کنگنا رناوت نے ایسی حرکت کردی کہ فلم پروڈیوسر ایکتا کپور کو سرعام ...
اداکارہ کنگنا رناوت نے ایسی حرکت کردی کہ فلم پروڈیوسر ایکتا کپور کو سرعام معافی مانگنا پڑگئی

  


ممبئی (ڈیلی پاکستان آن لائن)بالی ووڈ اداکارہ کنگنا رناوت کی جانب سے صحافی کے ساتھ کی جانے والی بدتمیزی پر پروڈیوسر ایکتا کپور نے صحافی برادری سے معافی مانگی ہے۔

کنگنا رناوت نے اپنی نئی فلم ’ جج مینٹل ہے کیا‘ کے ایک گانے کی لانچنگ تقریب کے دوران صحافی سے بد تمیزی کی تھی۔ انڈیا کے شوبز صحافیوں نے کنگنا رناوت کے رویے پر ان کی فلم کی تشہیری مہم کا مکمل طور پر بائیکاٹ کردیا تھا ۔ خیال رہے کہ یہ فلم انڈین ڈراموں کی سب سے بڑی پروڈیوسر ایکتا کپور نے پروڈیوس کی ہے۔

ایکتا کپور نے اپنے ایک پیغام میں فلمی صحافیوں سے معافی مانگتے ہوئے ان سے درخواست کی ہے کہ وہ 26 جولائی کو ریلیز ہونے والی فلم کی تشہیری مہم کا بائیکاٹ نہ کریں۔ ’ میں یہ کہنا چاہتی ہوں کہ ہمارا مقصد کسی کی بے عزتی کرنا یا کسی کے جذبات مجروح کرنا نہیں تھا، ہم میڈیا سے درخواست کرتے ہیں کہ صرف ایک واقعے کی بنا پر اس ٹیم ورک کو نظر انداز نہ کریں جس نے فلم بنائی ہے۔‘

مزید : تفریح