وزیراعظم عمران خان 22 جولائی کو امریکا پہنچیں گے لیکن ان کا استقبال کون کرے گا؟َ بالآخر امریکہ نے اعلان کردیا

وزیراعظم عمران خان 22 جولائی کو امریکا پہنچیں گے لیکن ان کا استقبال کون کرے ...
وزیراعظم عمران خان 22 جولائی کو امریکا پہنچیں گے لیکن ان کا استقبال کون کرے گا؟َ بالآخر امریکہ نے اعلان کردیا

  


واشنگٹن / اسلام آباد(ویب ڈیسک) وائٹ ہائوس نے تصدیق کی ہے کہ وزیراعظم عمران خان 22 جولائی کو امریکا پہنچیں گے اور ان کا استقبال امریکی صدر ڈونلڈ ٹرمپ کریں گے۔امریکی ایوان صدر ’وائٹ ہائوس‘ نے وزیراعظم عمران خان کے دورہ امریکا کی تصدیق کردی ہے، اس حوالے سے وائٹ ہائوس ترجمان نے کہا ہے کہ امریکی صدر ڈونلڈ ٹرمپ 22 جولائی کو وزیراعظم عمران خان کا استقبال کریں گے۔ترجمان وائٹ ہائوس کاکہنا ہے کہ عمران خان کے دورہ امریکا کا مقصد دونوں ممالک کے درمیان تعلقات کو مزید مضبوط بنانا ہے، دورے سے دونوں کو ممالک امن، اقتصادی ترقی اور خطے کے استحکام کے لیے مل کرکام کرنے میں مدد ملے گی۔وزیر اعظم عمران خان کی امریکی صدر سے مجوزہ ملاقات میں دونوں رہنما انسداد دہشت گردی، دفاع، توانائی اور تجارت پرتبادلہ خیال کریں گے جب کہ خطے میں امن واستحکام اور اقتصادی تعاون پر بھی غور کیا جائے گا۔واضح رہے کہ 4 جولائی کو ترجمان دفتر خارجہ نے وزیر اعظم کے دورہ امریکا کا اعلان کیا تھا تاہم ترجمان امریکی محکمہ خارجہ مورگن اورٹیگس نے نیوز کانفرنس میں وزیراعظم عمران خان کے امریکا کے دورے سے متعلق کہا تھا کہ ہمیں عمران خان کے دورے کی کوئی اطلاع نہیں، ہم اس بارے میں وائٹ ہاو¿س سے رابطہ کرکے دورے کی تفصیلات سے آگاہ کریں گے۔

مزید : قومی /بین الاقوامی