"ایک اداکار اپنے باپ کی موت کے بعد سپر سٹار، ایک سیاستدان اپنی ماں کی موت کے بعد وزیر اعظم بنے گا" بھارت کے فلمی نقاد نے پریانکا چوپڑا کی طلاق کی بھی پیشگوئی کردی
ممبئی (ڈیلی پاکستان آن لائن) بھارت سے تعلق رکھنے والے فلمی نقاد کمال راشد خان (کے آر کے) نے ملکی سیاست اور فلم انڈسٹری سے متعلق دلچسپ پیشگوئیاں کی ہیں۔
خبروں میں رہنے کے شوقین کے آر کے نے اپنی پہلی پیشگوئی میں کہا کہ سیف علی خان اور کرینہ کپور کے دونوں بیٹے اپنے ناموں کی وجہ سے کامیاب اداکار نہیں بن پائیں گے۔ خیال رہے کہ سیف اور کرینہ کے بڑے بیٹے کا نام تیمور علی خان ہے جب کہ انہوں نے چھوٹے بیٹے کا نام جیہ رکھا ہے۔
Prediction 01- Both son of Saif and Kareena won’t be able to become successful actors because of their wrong names.
— KRK (@kamaalrkhan) July 10, 2021
کے آر کے کی دوسری پیشگوئی کے مطابق انڈین نیشنل کانگریس کے رہنما راہول گاندھی اپنی والدہ سونیا گاندھی کی وفات کے بعد انڈیا کے وزیر اعظم بنیں گے۔
Prediction 02- #RahulGandhi will become PM of India but after death of #SoniaGandhi ji.
— KRK (@kamaalrkhan) July 10, 2021
کے آر کے نے پیشگوئی کی کہ اداکارہ پریانکا چوپڑا کو ان کے گلوکار شوہر نک جونس اگلے 10 سال میں طلاق دے دیں گے۔
Prediction 03- Nick Jonas will divorce #PriyankaChopra within next 10 years!
— KRK (@kamaalrkhan) July 10, 2021
کے آر کے کی چوتھی پیشگوئی کے مطابق ایک اداکار اپنے والد کی وفات کے بعد ایک بڑا سٹار بن جائے گا۔ انہوں نے اس اداکار کا نام نہیں لیا۔
Prediction 04- This actor will become a big star but after death of his father only!
— KRK (@kamaalrkhan) July 10, 2021
کمال راشد خان نے ایک اور پیشگوئی کرتے ہوئے کہا کہ 2024 کے انتخابات سے پہلے بہت بڑے پیمانے پر ہندو مسلم فسادات ہوں گے۔
Prediction 05- Big Hindu Muslim Bawaal will happen in the country before election 2024!
— KRK (@kamaalrkhan) July 10, 2021
کے آر کے کی آخری پیشگوئی کے مطابق اداکارہ کنگنا رناوت پوری زندگی شادی نہیں کر پائیں گی۔
Prediction 06- Actress #KanganaRanaut will never ever get married.
— KRK (@kamaalrkhan) July 11, 2021
واضح رہے کہ کمال راشد خان بالی ووڈ کی متنازعہ ترین شخصیات میں سے ایک ہیں۔ اکثر وہ سوشل میڈیا پر توجہ حاصل کرنے کیلئے کوئی نہ کوئی عجیب حرکت کرتے رہتے ہیں۔ اس کے علاوہ ان کے اداکاروں کے ساتھ جھگڑے بھی چلتے رہتے ہیں۔ حال ہی میں ان کا سلمان خان سے جھگڑا ہوا ہے اور بات کورٹ کچہری تک پہنچ چکی ہے۔