بیت اللہ شریف میں حجاج کرام کا پاک فوج کے سربراہ سے والہانہ محبت کا اظہار، کیا کرتے رہے؟ ویڈیو سامنے آگئی 

بیت اللہ شریف میں حجاج کرام کا پاک فوج کے سربراہ سے والہانہ محبت کا اظہار، ...
بیت اللہ شریف میں حجاج کرام کا پاک فوج کے سربراہ سے والہانہ محبت کا اظہار، کیا کرتے رہے؟ ویڈیو سامنے آگئی 

  

مکہ مکرمہ(ڈیلی پاکستان آن لائن) پاک فوج کے سربراہ جنرل قمر جاوید باجوہ ان دنوں سعودی عرب میں موجود ہیںجہاں انہیں فریضہ حج کی ادائیگی کی سعادت بھی نصیب ہوئی، بیت اللہ میں حجاج کرام کی طرف سے آرمی چیف کے لیے والہانہ محبت کا اظہار دیکھنے کو ملا اور سیلفیاں لیتے رہے جس کی ویڈیو بھی سامنے آگئی ہے ۔

بوڑھی خاتون کیساتھ موجود ایک نوجوان نے انہیں سیلفی کی درخواست کی تو آرمی چیف نے بھی انکار نہیں کیا اور پھر درخواست کی کہ ’ پاکستان کے لیے دعا کریں‘۔

راہ چلتے بھی نوجوان ان کیساتھ سیلفیاں لیتے رہے، سیلفی لینے والے ایک مداح سے جنرل باجوہ نے استفسار کیا کہ آپ کہاں سے ہیں؟ جس پر اس نے بتایا کہ ’اسلام آباد سے‘۔

اسی طرح ایک اور ویڈیو میں بھی راہ چلتے جنرل باجوہ کو دیکھا جاسکتا ہے جہاں دونوں اطراف سے لوگوں کو سیلفیاں لیتے دیکھا گیا۔ ساتھ ہی عربی میں بتایا گیا کہ " سارے پاکستانی ہیں، کوئی مشکل نہیں"۔ 

اس موقع پر بھی جنرل باجوہ کو یہ کہتے ہوئے سنا گیا کہ " پاکستان کے لیے دعا کریں"، کسی نے دعا دی کہ اللہ آپ کو لمبی زندگی دے تو انہوں نے دوبارہ اپنا جملہ دہرایا کہ "پاکستان کے لیے دعا کریں"۔پھر آگے بڑھ گئے۔

مزید :

اہم خبریں -قومی -