ستاروں کی روشنی میں آپ کا آج (جمعرات) کا دن کیسا رہے گا؟

ستاروں کی روشنی میں آپ کا آج (جمعرات) کا دن کیسا رہے گا؟
ستاروں کی روشنی میں آپ کا آج (جمعرات) کا دن کیسا رہے گا؟

  IOS Dailypakistan app Android Dailypakistan app

برج حمل ، سیارہ مریخ، 21 مارچ سے 20 اپریل
مالی صورت حال ابھی ٹھیک نہیں چل رہی جو لوگ روحانی طور پر خود کو مضبوط کریں گے وہ کامیاب ہیں اس وقت جو مل رہا ہے شکر ادا کریں اور مناسب پلاننگ کا سوچیں۔

برج ثور، سیارہ زہرہ، 21 اپریل سے 20 مئی
حالات بار بار خرابی کی طرف چلے جاتے ہیں ایک کام سیدھا ہوتا ہے تو دوسرا گلے پڑ جاتا ہے آپ صدقہ دیں اور حقوق العباد کے حوالے سے فوری معاملات سیدھے ضرور کریں۔

برج جوزہ، سیارہ عطارد، 21 مئی سے 20 جون
اگر آپ پچھلی باتوں کو یاد کرتے رہیں گے اور لوگوں کی باتوں کو دل سے لگائیں رکھیں گے اس ٹینشن سے صحت تو خراب ہو گی دوسرے کاموں میں بھی رکاوٹیں شروع ہو سکتی ہیں۔


برج سرطان، سیارہ چاند، 21 جون سے 20 جولائی
آپ کو نہایت ہی سنبھل کر چلنے کی ضرورت ہے برسوں کے بنے رشتے ٹوٹنے کے قریب ہیں ان کو روک سکتے ہیں تو روک لیں ورنہ ساری عمر پچھتاوا ہی باقی رہ جائے گا۔


برج اسد، سیارہ شمس، 21 جولائی سے 21 اگست
کاروباری معاملات بحکم اللہ بہتری کی جانب جا رہے ہیں اور جن لوگوں نے اس اچھے وقت سے فائدہ اٹھا لیا ان کو تیزی سے ان شاءاللہ آگے بڑھنے کا موقع ملے گا وقت کی قدر کریں۔


برج سنبلہ ، سیارہ عطارد، 22 اگست سے 22 ستمبر
اپنوں کے ساتھ صورت حال کشیدہ رہ سکتی ہے خاندانی جھگڑے پھر زور پکڑ رہے ہیں اس لئے اب آپ کو چاہئے کہ چند دنوں کے لئے خاموشی اور دوری اختیار کر لیں تو بہتر رہے گا آپ کے لئے۔


برج میزان ، سیارہ زہرہ، 23 ستمبر سے 22 اکتوبر
ٹینشن بہت زیادہ لیتے ہیں ہر بات کی جس کی وجہ سے آپ کو صحت کا مسئلہ در پیش رہتا ہے اور جس بات کو لے کر پریشان ہیں اس میں کچھ بھی نہیں ہے سب اللہ پر چھوڑ دیں۔


برج عقرب ، سیارہ مریخ، 23 اکتوبر سے 22 نومبر
مالی لحاظ سے آج اچھا دن ہے اللہ نے چاہا تو جو اہم ضرورتیں ہیں وہ بھی پوری ہوں گی اور آہستہ آہستہ بندش و جکڑن سے بھی آزاد ہوتے جا رہے ہیں بس زبان کو بند رکھیں۔


برج قوس ، سیارہ مشتری، 23 نومبر سے 20 دسمبر
آپ اپنے اندر کسی بھی قسم کا لالچ پیدا نہ ہونے دیں جو نصیب میں لکھا ہوا ہے وہ تو مل کر رہے گا اور آپ کی ضرورتیں آجکل پوری ہوتی رہیں یہ بہت بڑی بات ہے۔


برج جدی ، سیارہ زحل، 21 دسمبر سے 19 جنوری
ابھی چند دن آزمائش کے ہی ہیں اس لئے پہلے رشتوں کو بچائیں پھر خود کو زمانے کے برے کاموں سے اپنی حفاظت کرنا ضروری ہے خاص طور پر عزت وقار کے حوالے سے۔

برج دلو ، سیارہ زحل، 20 جنوری سے 18 فروری

سخت حسد و بد نظر کا شکار ہیں اور یہ جو سارے مسئلے ہو رہے ہیں وہ اسی وجہ سے ہو رہے ہیں آپ کو چاہئے کہ روزانہ کے حساب سے سات یوم لگاتار اپنی نظر اتاریں بے حد ضروری ہے۔

برج حوت ، سیارہ مشتری، 19 فروری سے 20 مارچ
آپ کو وراثتی امور اور خاندانی جھگڑوں کا سامنا ہو سکتا ہے جو لوگ کسی بھی معاملے کو لڑ کر یا غصے سے حل کرنا چاہتے ہیں وہ ایسا نہ کریں ورنہ خود کا نقصان ہوگا خاص طور پر عزت کا۔