لاہور سے لاپتہ ہونے والے بزرگ پبلشر کی لاش فیصل آباد سے مل گئی

لاہور سے لاپتہ ہونے والے بزرگ پبلشر کی لاش فیصل آباد سے مل گئی
لاہور سے لاپتہ ہونے والے بزرگ پبلشر کی لاش فیصل آباد سے مل گئی

  IOS Dailypakistan app Android Dailypakistan app

لاہور (ویب ڈیسک) پنجاب کے دارالحکومت کے علاقے نشتر کالونی سے لاپتہ ہونے والے بزرگ پبلشر کی لاش فیصل آباد سے برآمد ہوئی ہے۔

تفصیلات کے مطابق نشتر کالونی کے رہائشی اور بک ہوم لاہور کے مالک رانا عبد الرحمان 2 روز قبل گھر سے نکلے اور پھر اُن کا اہل خانہ سے رابطہ نہیں ہوا۔اہل خانہ نے اپنے طور پر انہیں تلاش کرنے کی کوشش کی اور پھر ناکامی کے بعد پولیس میں تحریری درخواست جمع کرائی۔ بیٹے عاطف کی مدعیت میں رانا عبد الرحمان کے اغوا ءکا مقدمہ درج کیا گیا۔

"ایکسپریس نیوز" کے مطابق  بیٹے نے مؤقف اختیار کیا تھا کہ رانا عبد الرحمان کا گھر سے نکلنے کے بعد فون بند ہوا اور پھر کوئی رابطہ نہیں ہوا، ہماری کسی سے کوئی دشمنی نہیں۔پنجاب پولیس نے اطلاع دی ہے کہ فیصل آباد سے ایک لاش برآمد ہوئی جسے ضابطے کی کارروائی کیلیے اسپتال منتقل کیا گیا تو وہاں شناخت رانا عبدالرحمان کے نام سے ہوئی۔  اہل خانہ نے بھی رانا عبد الرحمان کو شناخت کرلیا، پولیس نے موقع سے شواہد اکٹھے کرنے کے بعد تحقیقات بھی شروع کردی ہیں۔