لیجنڈزچیمپیئن شپ: بھارت شکست کے باوجود سیمی فائنل میں پہنچ گیا

 لیجنڈزچیمپیئن شپ: بھارت شکست کے باوجود سیمی فائنل میں پہنچ گیا
 لیجنڈزچیمپیئن شپ: بھارت شکست کے باوجود سیمی فائنل میں پہنچ گیا

  IOS Dailypakistan app Android Dailypakistan app

برمنگھم(ڈیلی پاکستان آن لائن )ورلڈ چیمپیئن شپ آف لیجنڈزکرکٹ ٹورنامنٹ میں جنوبی افریقہ سے شکست کے باوجود بھارت سیمی فائنل میں پہنچ گیا۔
جنوبی افریقہ چیمپیئنز نے آخری میچ میں انڈین چیمپئنز کو 54 رنز سے شکست دے دی، شکست کے باوجود بھار ت نے ایونٹ میں چوتھی پوزیشن حاصل کی اور وہ سیمی فائنل میں پہنچ گیا۔نارتھ ہیمپٹن میں کھیلے گئے میچ میں جنوبی افریقہ نے پہلے بیٹنگ کی اور آٹھ وکٹوں کے نقصان پر 210 رنز بنائے، بھارت کو 211 رنز کا ہدف ملا۔ جنوبی افریقہ چیمپیئنز کی جانب سے سین مین 73 اور لیوی 60 رنز بناکر نمایاں رہے۔بھارت کی جانب سے ہربھجن سنگھ کامیاب بالر رہے انہوں نے چار کھلاڑیوں کو پویلین کی راہ دکھائی، بھارت کو جیت کے لئے 211 جبکہ سیمی فائنل میں پہنچنے کے لئے 153 رنز کا ہدف ملا۔بھارت کے پانچ کھلاڑی 77 رنز پر ہی پویلین لوٹ گئے، جس کے بعد انڈین چیمپیئنز نے 153 رنز کو ہدف بنایا، عرفان پٹھان اور یوسف پٹھان نے ذمہ دار بیٹنگ کی اور ان کے درمیان 56 رنز کی شراکت قائم ہوئی۔ عرفان پٹھان نے 35 رنز بنائے تھے کہ وہ رن آﺅٹ ہو گئے۔ان کے بعد یوسف پٹھان نے اگلی دو گیندوں پر جنوبی افریقہ کے بالر ڈیل سٹین کو چھکا اور چوکا جڑ دیا اور آخری گیند پر چوکا لگا کر بھارت کو سیمی فائنل میں پہنچا دیا، یوسف پٹھان نے ناقابل شکست 54 رنز بنائے۔سیمی فائنل میں بھارت کا مقابلہ آسٹریلیا سے ہو گا جبکہ پاکستان ویسٹ انڈیز کے خلاف سیمی فائنل کھیلے گا۔

مزید :

کھیل -