امید ہے کہ بھارتی کرکٹ ٹیم چیمپئنز ٹرافی کے لیے پاکستان آئے گی، وسیم اکرم کا بیان

امید ہے کہ بھارتی کرکٹ ٹیم چیمپئنز ٹرافی کے لیے پاکستان آئے گی، وسیم اکرم کا ...
امید ہے کہ بھارتی کرکٹ ٹیم چیمپئنز ٹرافی کے لیے پاکستان آئے گی، وسیم اکرم کا بیان

  IOS Dailypakistan app Android Dailypakistan app

اسلام آباد(ڈیلی پاکستان آن لائن)پاکستان کرکٹ ٹیم کے سابق کپتان وسیم اکرم آئی سی سی چیمپئنز ٹرافی کے لیے بھارتی کرکٹ ٹیم کے دورہ پاکستان کے حوالے سے پر امید ہیں۔وسیم اکرم کا کہنا ہے کہ پورا پاکستان بھارتی ٹیم کا منتظر ہے، مجھے امید ہے کہ بھارتی کرکٹ ٹیم چیمپئنز ٹرافی کے لیے پاکستان آئے گی۔

وسیم اکرم نے کہا کہ تمام ٹیموں کا شاندار استقبال ہوگا اور چیمپئنز ٹرافی میں کرکٹ بھی بہت اچھی ہوگی، چیمپئنز  ٹرافی کے لیے سہولیات بہت اچھی ہیں اور اچھے اسٹیڈیم تیار ہو رہے ہیں۔وسیم اکرم نے کہا کہ چیئرمین پی سی بی محسن نقوی نے سٹیڈیمز کی تعمیر کا آغاز کر دیا ہے۔انہوں نے کہا کہ میں سمجھتا ہوں کہ یہ ایک اچھا ٹورنامنٹ ہوگا اور  یہ ٹورنامنٹ پاکستان میں کرکٹ کی بہتری کے لیے بہت ضروری ہے۔

وسیم اکرم نے کہا کہ کرکٹ اور سیاست کو الگ الگ رکھنا چاہیے، مجھے امید ہے کہ تمام ٹیمیں  چیمپئنز  ٹرافی کے  لیے پاکستان کا  دورہ کریں گی۔وسیم اکرم نے کہا کہ میں تمام ٹیمز، فینز اور میڈیا کے نمائندوں سے کہوں گا کہ وہ  آئیں اور دیکھیں کہ یہاں کتنی اچھی سہولیات ہیں۔

مزید :

کھیل -